[soma al7elwa]

بصراحة انا كنت داخلة اتفرج بس لاني مو من عادتي ارد على مواضيع زي كدا مجرد جدال ما لو اي فايدة
بس منجد استفزني الاسلوب والردود

يعني لازم الوحدة تلبس عباية على راسها كانها خيمة وقفازات وشراريب سودا وتمشي زي الجنود في المعسكرات حتى اللي يبغى يعطيها اعلاانات العطور والمحلات ما تعطيه وجه
وتجلس في بيتها بين الطبخ والنفخ وما تدخل عالنت ولاماسنجر ولا شات ولا تخرج حتى من البيت ولا يكون عندها جوال عشان تصير بنت ناس وتكبر في عينكم؟؟؟؟؟؟؟

ولا مافي شي يضحكني في السوق اكتر من الل يحطوا الشنطة تحت العباية

لدي الدرجة ؟؟؟؟

حتى الشنطة صايرة عورة ولازم تتغطى؟؟؟؟

يعني ايش فيها لو لبست عباية فيها كم لون ولا فيها ترتر وفصوص؟؟؟

ايش فيها لو لبست شنطة ملونة وبينتها للناس؟؟

ومو شرط العباية تكون لاااااصقة على جسمها بس تكون على مقاسها ومرتبة

اليوم كنت في السوق شفت وحدة من كتر ما العباية واسعة خط الكتف شوية ويوصل لكوعها

طيب في عبايات موديلها يكون واسع

واعتقد مافيها شي كترة الموديلات في السوق

بالعكس

مو شرط نكون كلنا نسخ من بعض عشان نكون كويسين في نظركم

يا اخي لو انك تعرف انو الناس وصلوا القمر ما كنت حطيت موضوع يناقش العبايات وتشوف انو النت والماسنجر والمنتديات والشات حرية شخصية بكل استهزاء

اذا الموضوع محتاج اننا نعيش في عام 1800 م عشان نكون بنات ناس ومحترمات في عيونكم ما نبغى

وعلى فكرة ترى كلام الناس لايودي ولا يجيب

واحنا لنا وجود في المجتمع ولنا راي

وشي طبيعي انو البنات اللي متربيين في عوائل متعايشة مع القرن الواحد ولعشرين انو يكون عندهم جوالات وجهاز كمبيوتر في البيت ولاب توبات ويكون عندهم راي مسموع ويدخلوا منتديات ويتناقشوا ويشاركوا ويدخلوا عالماسنجر اللي يوفر الاف الريالات ويدخلوا عالشات ويعرفوا كيف يستخدموه في الشي الصح

وبصراحة طرح الموضوع والردود جدا مستفز ويبين التخلف الي احنا فيه

هي حرة تلبس عباية واسعه تلبس ملونة تلبس ضيقة كل واحد عقله في راسه يعرف خلاصه

والعباية عادة ايوا انا اؤيد دا الرأي

لانها اصلا مو عباده

الحجاب هو العبادة مو العباية وفي فرق

والدليل شوفو الخليجيات والسعوديات برا وتعرفوا ايش معنى العباية حاليا

وازا حابين البنات والشباب يرجعوا للدين فدا اسوأ اسلوب شفتو

ومرا رحت محاضرة للاستاذ احمد الشقيري

كانت روووووووووعه بكل ما تعنبيه الكلمة

وكانوا البنات اللي لابسين عبايات عالراس = صفر

واللي مغطيين وجههم ينعدوا عالاصابع

كلهم كانوا عبايات ملونة وميك اب زي البنات اللي في السوق

والشباب نفس الشي كانوا نفس الشباب اللي نشوفهم في الاسواق والمولات

لكن بس بدأت المحاضرة كل الحاضرين بكوا واتأثروا

يعني فيهم خير بس محتاجين اللي يفهمهم

منجد بس دخلت ديك المحاضرة حسيت اننا عايشين في عام 2008

بس تشوف اسلوب ناس زي احمد الشقيري وعمرو خالد ومصطفى عمرو تعرف اننا عايشين في القرن الواحد والعشرين

مو نتاناقش عباية مخصرة وما عباية مخصرة

ولا نتناقش معاكسات الشباب في الاسواق

المواضيع دي مواضيع ميتة

مالو داعي اللت والعجن فيها

ملاحظة :

" ترى دحين ما عاد فيه شي اسمو طابور سيارات ورا بنت لابسه عباية مخصرة لانو دي الحركات كانت تصير وانا طفلة ابتدائي مو دحين "