07-12-2010, 07:21 PM
|
#11
|
تاريخ التسجيل: Jan 2010
التخصص: IS ,,الحمدلله
نوع الدراسة: إنتظام
المستوى: السادس
الجنس: ذكر
المشاركات: 1,805
|
رد: غش مكتبة جرير
(يا ايها الذين امنوا ان جائكم فاسق بنبأ فتبينوا ان تصيبوا قوما بجهالة فتصبحو على فعلتم نادمين)
|
مايصير تقول عن البت فاسقة يا اخ ..
هيا كانت جاهلة بأمور الهاردوير ..ومو قصدها شي ..
وبعدين اتحدى ابن امو يقول انو جرير مو غشاشين ..عالاقل في الاسعار والاستهتار اللي يعملوه 999.99 << عيب والله احنا مو متخلفين عقليا عشان ما يحترمونا
انا كرهت المكتبة دي بسبب عدم احترامها للزبائن وكأنها تعامل اطفال ,,فضلا عن قيمة الانظمة الي توصل 300% من سعرها الحقيقي ,
اختي
لا مو غش
اصلا لا يوجد وسائط تخزين
تعطيك المساحة كاملة
cd / usb / hrad / ram
غيرها
طبعا تقول لي وين باقي المساحة
انا اقولك انه تروح لعمليات الارشفه وتخزين اماكن الملفات
فمثلا انت شغال على usb
في جهازك وبه ملفات
ولما روح لاي جهاز في العالم يعرف اماكن هذه الملفات.. سحر صح
الامر لانه اماكن الملفات خزنه ضمن المساحة الضائعة في عامل زي الفهرس
وراح تتعرف عليها اكثر من خلال مادة cpit 260 نظام التشغيل
|
هنا كلام الاخ في محلو ويشرح سبب نقصان 5 قيقا من الهارديسك..
الكلام دا درسناه في اخر حصة من الحوسبة
يعني ما يجي هارديسك بدون فهرس ..والا ماراح نوصل للملفات ولو كانت موجودة
زي مسلا دليل الهاتف ..كيف حتتصلي على احد تعرفيه بالاسم بس بدون دليل الهاتف ؟؟
هوا كدا النظام يوصل للملف المطلوب سواء صوت صورة او فيديو ..عن طريق الدليل او الفهرس ..
وكل ما كبر الهارديسك كل ما كبر الفهرس ..
زي الفلاش لازم نلاقي انها ناقصة ..
اشكر للاخ الفاضل الاضافة واعتزر عن زيادة الكلام ,,
بس انا عتبان عليك لانك اشتريتي النظام لحالو ..مفروض اصلا يدوك هوا جاهز وكمان نسخة للفرمتة ,,ومجانا وهدية اوفيس عالقيمة الكبيرة دي اللي دفعتيها في الجهاز ,,
افضل مكان لشراء الاجهزة هوا مجمع الباروم في شارع فلسطين ,,تقريبا رخيص و الضمان من الشركة الاصلية ,,
بس مو من اي محل في المجمع ,,
والمفروض ادا الواحد حيدفع قيمة كبيرة زي دي ,,يكون بحث واستشار واستفسر عشان لا يتخدع في حاجة لا سمح الله ,,
مبروك عليك ,,
وسوري عالاطالة
|
|
شكرا صوت
|
|
|
|