[ضيدان]

كل سنة تسدد ويطلع لك الجدول تلقائي لكن هالسنة ما ادري شفيهم


المهم

تدخل الخطة الدراسية وتشوف مواد المستوى الثالث

واهم مادة بالمستوى الثالث مبادىء الادارة العامة Pad101

لانها متطلب لاكثر المواد بالمستويات اللي بعدها يعني اذا ما نجحت فيها او درستها ما راح تدرس مواد كثيرة الا لما تدرسها وتنجح فيها

وبعدها تجي مادة المحاسبة ACCT101 وبنظري هي اصعب مادة يمكن لاني سقطت فيها لكن تطمن .. انا كنت مستهين فيها ولا عطيتها حقها بالمذاكرة ولا حطيت لها مدرس اول ترم .. انت شد حيلك وان شاء الله تعديها من اول مرة لكن شد حيلك وحط لها مدرس .. وهي بعد متطلب لمادة محاسبة حكومية بالمستوى اللي بعدها مباشرة

ومبادئ القانون BL101 متطلب للقانون الاداري BL230

زبدة الكلام جدولك لازم يكون فيه مواد متطلب لمواد بعدها بالاترام الجاية

واذا معدلك فوق 2.75 يسمح لك بـ 18 ساعة
واذا معدلك اقل من 2.75 يسمح لك بـ 15 ساعة

ولاحظ ان الخطة فيها لخبطة بالمستوى الثالث .. في الخطة المستوى الثالث 20 ساعة لكن ما يسمح لك مهما كانت الظروف الا بـ 18 ساعة بشرط المعدل فوق 2.75

الحين افتح الخطة الدراسية

وافتح صفحة جديدة فيها الحذف والاضافة

واختر المواد اللي تبغى تضيفها من ايقونة اسمها (الحذف والاضافة) تحت ايقونة (الجدول الدراسي)

وبالخدمة باي وقت

والله يوفقك ويوفقنا جميع