انت يا سومهـ
تتمني لأخوكـ (المخصرهـ الفري أو المحجبه الملتزمه)
والمايكـ إلكـ
|
اول شي بس يتزوج اخويا ما راح يكون عمر زوجته 17 سنة ولساتها تكتشف العالم
تاني شي طبعا ما راح ازوجو وحدة "مطوعه" ولابسه عباية عالراس
مو معناتو حزوجو رقاصة ولا وحدة تخرج بالبكيني بس في شي وسط بين دا ودا
اقول لك انتكست المفاهيم وانعكست
والله احسن من وحدهـ مطلعه جميع المؤهلات العليا في الخارج
والي ما يشتري يتفرج،
الي شفتيها اقدر امشي معاها بكل فخر،
اما الثانية - استحي واخجل - امشي معاها !!
دنيا العجايب.
|
عارف يعني ايش من كتر ما العباية واسعه واصل خط الكتف لكوعها؟؟؟
زي واحد مقاسه s يلبس مقاس xxxL
اقسم بالله لو مو شايفتها شايلة اكياس وتشتري ملابس لكنت قلت عنها شحاتة
تبغي عباية واسعه في عباية الفراشة في عباية الخفاش في الف موديل وموديل لعبايات موديلها واسع وساتر بدل مو طالع شكلها كانها وحدة ما عندها فلوس حتى تشتري عباية
طبعا انا حاطة فبالي انو ممكن تكون عبايتها صار لها شي اتقطعت او اتبقعت واخدت عباية وحدة تانية
طيب لو قربوا من الشمس نروح الكبريهات .
|
ترى اغلب الشباب يسافروا برا عشان الكابريهات
واكبر دليل افالعهم الرائعه في البحرين والسمعه الحلوة اللي جات عالسعوديين بسببهم
ليه زعلتي يوم كلام الناس لا يودي ولا يجيب !!!
والدين امرك بالحجاب طول العمر مو الين تاريخ 2000 !!!
|
مين قال لك اني زعلانة؟؟؟؟
طيب الدين امر بالحجاب مو بالعباية الين يوم القيامة
يعني استغرب كيف في ناس لابسين العبايات السودا في بلدان زي جزر المالديف وبريطانيا وامريكا
ايش السمعه اللي تجي لما يشوفوها ملفوفة بالسواد في بلد البنات فيها تخرج بدون ملابس؟؟؟؟
خاطبوا الناس على قد عقولهم
محد يقول انزعي حجابك بس البسي شي ملون وطويل وساتر
البسي بنطلون واسع ومعاه بلوزة طويلة وطرحة ملونة
البسي فستان طويل وطرحة
البسي جلابية مغربية وطرحة
يا ستي البسي بالطو ملون وطرحة
مو تروحي تشوهي سمعتنا وترجعي
يقولوا دول يلفوا بناتهم بالسواد ودول ظالمين النساء ودول متخلفين ودول ودول ودول
طيب ايش هو الحجاب !!؟؟
لعلمك الخلاف على تغطية الوجهـ ، مو تغطي راسها وةتلبس بنطلون !!!
<<< اروح انا على الحجاب الي كذا
|
يعني انت بتطلب من وحدة رايحة تدرس في كندا او بريطانيا تلبس عباية عالراس وتغطي وجهها؟؟؟
احلى محاظره خليطي
وين يرحم والديكـ الموقع،
خلينا نستفيد مع عيال المنتدى، بدل ما يواعدونا في المرجان !!
وباين انك استفدتي جداً من المحاظرهـ
|
بغض النظر عن اسلوب الاستهزاء اللي بتتكلم فيه
المحاضرة كانت راقية جدا
وكانت تخاطب العقول والنفوس قبل الاجسام
كان استاذ احمد مهتم انو يصحح المفاهيم من جوا مو بس من برا
ومحاضرة كانت مختلطة و راقية
يا ليت دايما تعامل الشباب والبنات مع بعض زي ما كان في داك الوقت
اتحدى احد يكون خرج منها ومو حاسس انو نفسيتو لما دخل نفسها لما خرج
المحاضرة كانت في الغرفة التجارية
وكانت زححححمة لدرجة انو الحاضرين جلسوا عالارض والدرج والمسرح
منجد انسان رائع وعارف كيف يكون عايش في عام 2008
يتكلم مع البنات والشباب باسلوب راقي ومقنع يأثر فيهم ويترك بصمة كبيرة في نفوسهم
يعرف كيف يحترم الانسان اللي قدامو مهما كان شكله او عمره او قناعته
كفاية انو بدأ المحاضرة باننا كلنا عندنا ذنوب وكلنا عندنا اخطاء وكلنا عندنا سيئات ومحد يعرف ايش في جواتنا غير ربنا مهما كان مقدار ذنوبنا
كانت لفتة رائعة منو انو كلنا جواتنا خير بس محتاجين مين يستثمره
مو مين يحطمنا ويتهمنا بالفساد والانحلال الاخلاقي وينظر الينا باحتقار وازدراء على قولتكم ويستهين فينا
وممكن تسوي بحث في غوغل وتشوف اراء الحاضرين في دي المحاضرة
يعني بالله نسكت عن امور الدين !!!
طيب من زمان ينصحونا بالصلاة من يوم اني صغير اللعب (القب)
خلاص نترك اللت والعجن فيها
عشان احنا في القرن الواحد والعشرين
حشى قرن الشيطان مو واحد وعشرين
|
حابب تتكلم عن امور الدين اتكلم عن الصلاة اللي اغلب الشباب دحين يصلوها بعد وقتها
حابب تتكلم اتكلم عن الصلاة جماعه
حابب تتكلم عن الدين ناقش مسأله العصبية القبلية اللي موجودة واحنا في عام 2008
ناقش موضوع الاباء اللي يزوجوا بناتهم وهم اطفال في عمر 13 و14 و15 سنة
ناقش موضوع الرجال اللي يتزوجوا من كل بلد وحدة وشوهين سمعتنا اننا رايحين نشتري البنات من برا مو نتزوجهم
ناقش موضوع البطالة ناقش موضوع الفراغ عند الشباب
اشغلوا الشباب والبنات بشي مفيد واوثقوا فيهم دخلوهم جوا المجتمع عشان يتغيروا ويكبروا ويعقلوا
في مشاريع رائعة بتصير في جدة وبرا بتبين الخير اللي جوا الشباب والبنات في مشروع تنظيف المساجد في مشروع بيتي بيتك
شفتوا كيف البنات والشباب في مشاريع زي دي؟؟
شفتوا كيف مظهرهم الخارجي؟؟
شفتوا ايش سووا وكيف كانت بصمتهم في المجتمع؟؟
بطلوا حكم عالناس من منظرهم الخارجي وشوفوا ايش في جواتهم
(سوما)
الله يصلحك ويهديكـ، ويجعلكـ تحطي عبايه فوق الراس
|
الله يصلحنا ويهدينا كلنا يارب
اما بالنسبة لعباية الراس
فلا تعليق
انا من جدة
ملاحظة: لا تستهزئي بأي امر من امور الدين، فرب كلمة تهوي بصاحبها في النار سبعين خريفاً
|
انا ما استهزأت بالدين
استهزأت باللي مستعدين يشوهوا الدين باي طريقة ومفكرين انهم يعملوا خير