[ابوعابد الركن الصامد]

عندي استفسارين بسيطين ولكن شاغليني مررررررررررررة والله العظيم

اول شي بالنسبة للبطاقة تبع المكافئات نزلت للطلاب ولا لا لانها الى الان ماجاتني على صندوق البريد لاني سمعت انهم بينزلوها بدري لطلاب الانتظام وكمان سؤال بسيط معليش اذا جاتني البطاقة اش الاجراءات اللي اسويها عشان افعلها يعني لازم اروح البنك ولا هم يعطوني البطاقة مع الرقم السري وخلاص

واستفساري التاني بخصوص الجدول انا اعطوني جدول يوم التسجيل مسجلة فيه المحاضرات والاوقات والمبنى ورقم القاعة بس شايف مواضيع عن الحذف والاضافة شككتني يعني دحين لازم اسوي تعديل في الجدول ولا ايش الهرجة والله محتار ساعدوني بالله خلاص مابقي شي ع الدراسة

وسامحوني مسختها في استفسار بسيط اسف مع انها كانت اتنثين بس والله مضطر دحين اول اسبوع في الجامعة كلوا محاضرات ولا كيف لانوا لازم ارتب اموري سكن ـ ومعرفة الطرق وغيروا وغيروا طمنوني كيف الاجراءات اول ايام الدراسة اخاف تكون زي جامعة البترول والمعادن صاحبي يدرس فيها يقول يجيبوك قبل الدراسة باسبوع عشان يسلموك الكتب ويجهزوك وياساتر من اول يوم عينك ماتشوف الا المحاضرات اخاف نكون زي كده وانا والله مربووووووووووش ع الاخر وما خلصت كل الترتيبات ارجوكم طمنوني الله يطمن قلوبكم يارب