و إنتي طيبه و بصحه و سلامه 
موضوع مهم جداً
و أشكرك دكتوره لأنك فتحتي هذا الموضوع لأننا نحتاجه بشده بحكم إننا في البدايه و مو عارفين إيش الإيجابيات و السلبيات و محتاجين نتناقش في مواضيع زي كدا
الله يجزاكِ خير يارب
عندي سؤال إذا سمحتي
إنتي قلتي إن الواحد المفروض يتطلع و يثقف نفسه عشان في أشياء ماراح تمر عليه أبداً في الدراسه و لازم يفيد نفسه
هذا كلام ممتاز و مهم بس السؤال هوا إيش ممكن أسوي عشان أثقف نفسي؟
يعني أحياناً أفتح النت و أقول أبغى أقرا بس ما أعرف إيش أكتب أو أبحث عن إيش بالزبط 
بحكم خبرتك ممكن تعطيني فكره كيف ممكن أفيد نفسي في مجال الدراسه؟
و شكراً للمره التانيه
|
كل يوم في دوا جديد بيطلع في السوق ودوا بيخرج من السوق
يعني مثلا لو بعد تالت ورابع تبدوا تقروا اش الادوية الجديدة الي نزلت في السوق على موقع fda
وطبعااا مع وجود sfdaممكن تشوفوا اش انسحب من السوق السعودية
اش الادوية الي علية تنبيه من هيئة الغداء والدواء
وفي حاجة اسمها قايد لاين دي مو كتير الدكاترة يركزوا عليها ممكن انتوا تبحثوا عنها وتقرؤها لانها مرا مهمة في الحياه العملية
مو كل الامراض الي في الحياه ندرسهااا احنا ندرس الامراض الشائعه بس ترى ممكن تلاقوا حالات نادرة حاجة جيدة لو قرائتوا في دا الفيلد طبعا مع الاهتمام بي طريقه العلاج
طبعا الادوية المسجلة في السعودية تلاقوها على موقع sfda
بس ترى ممكن لو ادربتوا في مستشفى زي الحرس ممكن تجيب دوا مو مسجل في السعودية ودا فايدة انكم تعرفوا الادوية الجديدة لانو ممكن تعطوا ركيمودنيشن انو دوا معين مهم في علاج مريض معين وممكن المستشفى توفروا للمريض
وكمان في مرضى يكونوا يتعالجوا في مستشفيات برا ويكونوا على ادوية معينة فعشان كدا الواد لازم يكون ابديت
لو افتكرت شيء تاني راح اقولكم