[DANoOo.R]

http://www.skaau.com/vb/showthread.php?t=299481

في الرابط حاتلاقي موضوع الاخ ماجد لو كنت تذاكر من الكتاب ومره متلخبط شوف الملخصات يمكن تفهم منها
بس عموما الباب الرابع مرررره سهل لو وضحت ايش الي مو فاهمو بالزبط حانقدر نشرح لك ياه بس انو صعب لو كان كلو

المهم الشابتر دا بيتكلم عن فراغ العينه في اول سكشن وكيف توجدها بطريقتين وحده بالمجموعه والتانيه بالرسم الشجري بعدين بيعرف لك الاحتمالات وانواعها والحادثه وانواعها وكمان قواعد الاحتمالات وهيا ٣ انو احتمال الp لازم يكون في فتره محصوره اصغر من او يساوي ١ واكبر من او يساوي ال٠ .. ولو كانت الحادثه مستحيله الوقوع حاتكون p=٠اما لو كانت مؤكده الوقوع حاتكون p=١ واخر قاعده ومره مهم انك تهرفها انو مجموع احتمالات p تساوي١.. بعدين لازم تعرف ايش هيا الحادثه المكمله وقوانينها الي هي p(E)=1-p(E') او تعكس البي والبي بار واخر قانون الي هوا مجموع يساوي ١ ودا القانون p(E)+p(E') =١
بعدها تعرف الفرق بين الحادثه البسيطه والي قانونها احتمال البي = عدد عناصر E/هدد عناصر فراغ العينه
والامبيريكال بروبابليتي وقانونو احتمال البي =تكرار الفئه /مجموع التكرارات في التوزيع
والاحتمال الوصفي والي هوا يكون بالتخمين في شي مستقبلي
دا كلو بالنسبه للسكشن الاول
>> سوري الشرح بالعربي وملخبط وع السريع بس لاني ارد من الجوال بس ليا باك بتوضيح باقي الشابتر :)
ان شاءالله احاول اكمل لك الباقي ولو في سؤال معين مو فاهمو ياريت تكتبو

بالتوفيق يارب..^^