[ام حمدان]

يابنوتات ياحلوات
حابه اقولكم نصيحه تخص مادة الريدنق
في الاختبار عادةً تكون الدرجات مكتوبه امام كل سؤال
وطبعا الاختبار معروف راح يكون جزء متعلق بالقطعه واسئلتها
وجزء متعلق بالسفكس والبرفيكس
وجزء متعلق بالفوكابلري تبع الكتاب وتمارين منوعه عليه

القطعه مع اسئلتها عادةً يكون مجموع الدرجات عليها من 20-25 درجه
و70 او 75 درجه تكون على بقية الاسئله
طبعا انتوا في الامتحان لاتمسكوا القطعه اول شي لانه ممكن يروح وقتكم عليها وماتكونوا متأكدين من اجابتكم عليها بحكم انها من خارج المنهج

لذلك المفروض تحلوا اول شي الاسئله الي على الفوكابلري وعلى السفكس والبرفيكس والمرادف والعكس والفئات
لانه هذي هي الجزء الاسهل والي من ماتخرج عن المنهج الا بشي جدا بسيط
وهذي 75 درجه مو قليل حرام تروح عليكم وهي فيدكم

والوقت المتبقي اتركوه للقطعه
يعني حاولوا في خلال الساعه الاولى تنتهوا من اسئلة الكلمات وخلافه والساعه الثانيه خلوها للقطعه

وربع ساعه على الاقل مراجعه او 10 دقايق
ونصيحه لاتكتبوا بالمرسام حلوا على طول بالقلم لان الوقت مايكفي---انا جربت قبلكم مااعرف احل الا بالمرسام وبعدين احبر واخرتها جات على راسي وانسحبت مني الورقه وانا عندي فقرات ماحبرت عليها :(

ولمن تبداو تحلوا القطعه اقرؤا اسئلتها اول وبعدين دوروا على الkey word في كل سؤال ورحوا دوروا على الاجابه في القطعه
يعني قراءتكم حتكون مسح للقطعه skim لانه مافي وقت تقرؤا كثير حاولوا تركزوا وانتوا تقروا بحيث تفهموا من اول مره

اخر شي لاتهملوا تمارين الكتاب يجي منها اشياء كثير مع تغيير بسيط فيها

وربي يبارك لكم في الوقت و يعينكم ويسهل عليكم كل امتحاناتكم ويرزقكم بالنجاح فيها يارب