[aboatab]

بسم الله الرحمن الرحيم

لعيونك أخوي منتسب والاخ ميرال عسيري ( أسمك غريب شوي ) هذا ملخص بسيط جداً يمكن يفيدكم وممنوع دخول عبدالله عبدالرحمن ( لاتسترق النظر الله فيه ) وأبدأ وبه أستعين :
مادة الثقافة الاسلامية :
حضرت مع المحاضر أول محاضرة وعلى حد قوله مافي تحديد والكتاب كامل معنا وما عاد حضرت معاه بس الموضوع بيسط وطريقة المذاكرة تقراء الكتاب مرتين ثلاث ( ولو تخليه في السيارة وعند إشارة أو مغسلة أو زحمة تقرأ شوي حتخلصه في أقل من خمسة أيام ) وتحل أسئلة الاختبارات للاعوام الماضية وتنتهي المشكله .
مادة التحرير الكتابي :
حدد أشياء واجد كل صفحة نحط خط إلى خمسة إلى عشرة في بعض الصفحات وركز على الباب الاخير وقال يمكن يجي منه 15 سؤال إللى هو علو البلاغة .
طريقة المذاكرة زي الثقافة الاسلامية تقرأ وتحاول تركز ما تخلط المواضيع مع بعض يعني زي القصة تعريفها وأركان القصة وسمات القصة والفرق بينها وبين الانواع الاخرى وهكذا وتحل أسئلة الاختبارات للاعوام السابقة ( نزلوها الاخوة والاخوات مشكورين ) وأتوقع ما تأخذ معاك وقت زي الثقافة ( هاه كله ألسطه ) .
مادة الاستماع والتحدث :
على كلام المحاضر ( قرامي الله يرحم والديه ويجراه خير ) حيجيب مقطع صوتي من السيديهات إللي معانا ( أكيد عندك ولا مو ) وحيخلينا نقرأ الأسئلة ومن ثم نسمع ونحل وعن طريقة الأسئلة على كلامه ( إبراء ذمه ) حيجيب إجوبة جاهزة وأنت تختار المقطع الصحيح منها على حسب ما تسمع ( على طريقة إختبار التوفل ) .
وطريقة المذاكرة تختار المقاطع الكبيرة من السديهات وتحاول تسمعها مرارا وتكرارا وتحول التركات إلى في السيدهات إلى أم بي 3 وتسمعها في السيارة على الجوال في البيت المهم إلين تأخذ أذنك عليها وحتشوف المسائل صرت سلسة في أوراق وزعها علينا فيها حلول لبعض التمارين ( كيف أوصلها ) مثل تمرين 6 ص 6 عبارة عن كلمات وجنبها قوسين فيه فراغين الفراغ الاول عدد المقاطع للكلمة والفراغ الثاني ( كيف أعبرها ) الشدة في الصوت على أي مقطع مثل الكلمة الاولى في التمرين patent تتكون من مقطعين والشدة في الصوت على المقطع الاول الكلمة باتينب شدينا في النطق على با ثم تينت وكل التمارين إللي زي ذا وداخلة معنا في الاختبار تلقى جنب رقم التمرين علامة سماعة وغير كذا ماهو معانا فيه نوع من هذه التمارين له ثلاثة مقاطع تمرين 6 ص 92 ماهو معانا على كلامه ( فحمان ) .
فيه قطعة ص 116 حسيت أنه مركز عليها شوفها معاك وعلشان تسهل عليك عملية سماع المقاطع شوق القطع وحاول تقرأها وخصوصا الكلمات الصعبة وترجمها يكون أحسن وبكذا نكون خلصنا وممكن الدخول على موقع الجامعة ومن ثم الدخول على موقع الدكتور قرامي قرامي وتلقى في اسفل الصفحة عنوان المواد والمحاضرات على كلامه فيها الأوراق إللي وزعها علينا بالاضافة إلى أشياء أخرى .
مادة الرايتنق :
أما الرايتنق فقال المحاضر أنه على الايسي أو المقال 60 درجة وال 40 الباقية على الاختيارات وحدد بعض الصفحات مثل ص 97 عن الريفرينس أي المراجع او المصادر كيف تكون كتابتها وحتشوفها في الصفحة يعني تبدأ بأسم العائلة للمؤلف ثم أول حرف من أسمه ثم سنة النشر وهكذا المهم الترتيب الصحيح وعلى كلامه حيجيبها ملخبطه وانت تختار الصحيح وفيه صفحة 86 زيها بس أصغر أسم المؤلف وسنة النشر هو حيلخبطها ويخلي السنة قبل الاسم وهذا غلط الصحيح الاسم ومن ثم السنة ( أبي مويه ) وفيه ص 111 نفس الفكرة مرة كتاب ومرة مقال أنت إذا شفتها بتسهل عليك وفيه كمان ص 119 وص 120 مهمه وهي عبارة عن الربط بين الجمل برابط أنواعها ومتى أستخدمها شوية تركيز وتكون سهلة وفيه ص 230 معانا في الاختبار ( ملبكه علي شوي ) إقراها متى يستخدم الكاتب الماضي البعيد الماضي القريب ( حاجة زي كذا ) لانها آخر محاضرة وكان مررره مستعجل .
مادة الفرنسي :
مره سهلة وحلوه وما تاخذ معاك يومين وفي أحد الاخوة أعتقد نزلها مشكورا كذا قريت العنوان - أوراق الفرنسي مع كلام الدكتور – مره حلوه وسهلة .
مادة الريدينق : خارج الخدمة مؤقتاً ( قمت بحذف المادة لهذا الترم ) .
أتمنى وفقت أخوي منتسب وأخوي ميرال عسيري وأكيد الشباب حينزلون مواضيع أخرى ( يأخذون نفس بعد الدورة ) وأعتذر إذا فيه تقصير وتقبل تحياتي .