الأنظمة ( القانون )
جمعة مباركة على الجميع
بنات شباب اش رايكم في تخصص الأنظمة القانون للبنات
انا الي حولي حطموني يقولون مالو مستقبل اعرف وحدة قريبتي
نصحوها بس ركبت راسها واتخرجت اننظمة وجالسة في البيت
وقدمت على كذا شركة محد راضي يقبلها في مجال تخصصها كلهم
يقبونها بس في مجالات ثانية مالها اي عاقة في القانون لان التخصص
هاذا يفضلون يوضفون الرجال فية وهيا مرة نفسيتها تعبانة تقول على
التعب والسهر والمذاكرة ان تخصصها كان مرة صعب في ااخير ماطلعت
بشي زيها زي الي ماعندها شهادة مع العلم ان التخصص ذا جدن متعب
زيو زي الطب مرة دش وحفظ ومذاكرة شي فضيع غير النسب المرتفعة الي يطلبونها
يعني تخصص تعجيزي وغير عن كذا مالو مستقبل هيا اتخرجت مأملة في مكتب
المحاماة النسائي الي قالو بيفتحونو اصلن ماسووو التخصص ذا الا عشان المكتب
وفي الاخير ماسار مكتب ولاشي ومر 9 سنوات على الكلام ذا بعدين يقولون انو بالعقل
مين الشيخ الي بيرضى بحرمة تحامي في قضية وترافع قدام المشايخ اصلن ماعندنا في السعودييية
محاماة كلها ترجع للشريعة مانحتاج نوكل محاميين البنت نفسيتها مرة تعبانة وذحين راحت تاخذ دورة انجليزي وحاسب وتدورلها وضيفة في اي بنك ندمانة انها مادخلت تخصص له مستقبل
صاحباتها كلهم متوضفين الي مدرسة والي طبيبة ورواتبهم مغرقتهم وعايشين في خيرهم وهيا الوحيدة الي فقرانة الله يعوضها خير ادعولها
نرجع لمشكلتي انا اعشق المحاماة قصدي القانون لاني من يوم وانا صغيرة كنت اشوف المحاميين والقضاة في الافلام والمرافعات القضائية وكنت اشوف نفسي هناك معاهم وانا مفكرة اهاجر بعد كم سنة فقلت بما اني ماراح اعيش هنا ممكن اتهور وادخل ذا التخصص بس سؤالي هل شهادة القانون في السعودية ممكن تمشي في دول ثانية ؟؟
|