[drug]

الصراحة مفتاح كلية الصيدلة انوا الواحد يعرف كيف يزاكر ودي حاجة مرا مهمة انتوا مشكلتكم انو التحضيري ما كان تأسيس صح وامكن دا راح يخليكم تتعبوا شوية بس صدقيني لو عرفتي كل مادة كيف طريقة اسئلتها وكيف وتزاكريها امتياز وانتي مغمضة وبالاخص انو الدكاترة اغلبهم نفسهم فممكن تسألي اي احد يقدر يساعدك على طريقة اسئلتهم او تأخدي نماذج السنوات الي فاتت اكتر دكتور مشكلة عندكم هوا مجدي لانو مرا يتفنن في حط اسئلة الاورقنك والبايوكمستري كان من زمان مشكلة لانو كان كتابة دحين اختياري واصبح سهل للغاية الفارماسيوتكس الترم الاول مو مرا كنت فاهمة الكالكوليشن بس الترم التاني جيد وسهل الانتومي تقريبا المعمل اعبط من العباطة والنظري هستولوجي تقريبا مرا عليكم في البايو اما الانتومي فسهل والفسيولوجي يدعم دي المادة الفسيولوجي في دكاترة منوا راحوا مرا كانوا رهيبين بس المادة حلوة تحتاج فهم وحفظ اسئلتهم اختباري انالاتيكل دكتورة اميمة ماشاء الله ما يحتاج واسئلتها على قد شرحها وطبعا منوعه دا الي فاكرتوا

مين قال بس اختياري يارييييييييييييييييييت يكون كذا
للأسف هذي الماده أزمه بالنسبه ليا

أنا برضو مو فاهمته تهئ

فعلاً حكاية إن التحضيري سببلنا أزمه هذي أوافقك عليها 100%
لازم نعيد تأهيل نفسنا مره تانيه عشان نمشي مزبوط


بالنسبه للأخت ( النوررر ) رغم إن هذي أول سنه ليا و ما أقدر أعطيكي معلومه عن الموضوع بس بقولك شيء مهم تعلمته من التحضيري
لا تسمعي كلام أي بني آدم اعتبري إنك أول وحده تسوي الشي هذا لأن تجربتك حتكون غير عن أي شخص تاني

بالتوفيق ^ــ^