رد: ابى احذف ادارة الاعمال بالانجليزية
هلا أخويا ,
والله صراحة موادك مرررة دسمة
الله يعينك ويوفقك
أنا زيك دا الترم ماخدة اقتصاد كلي ومرة خايفة منو ><"
بس موادك الباقية كلها اخدتها ماعدا مالية شركات كل ترم أحزفها خايفة منها خخخ
وبالنسبة لإدارة أعمال بالانقلش ترى ماتخوف مرة
هيا حلوة وسهلة وخفيفة لو كانت بالعربي
لكن بس اللي متقلها انها انقلش ..
يعني أقصد محتواها لو فهمتو وكدا خلاص أوك
انا أخدتها الترم اللي فات
وووالله العظيم ماذاكرتها الا قبل الاختبار بكم يوم وفحطت وقلت انا راسبة راسبة فيها ومررة كنت يائسة وحااايسة
لكن الحمد لله نجحت
أنا ممكن أنصحك تحزفها في حالة وحدة
لو إنك حتجلس عليها مزبووووط الترم اللي حتاخدها فيه
يعني تفهمها وتحفظ مصطلحاتها وتشد حيلك فيها
يعني تزاكرها من بدري وتصمها
لكن لو شايف نفسك لا والله ماحتفرق مذاكرتها سواء اخدتها دا الترم او اللي بعدو او اللي بعدو
يعني نفس النتيجة
فخدها احسن وافتك منها
وان شاء الله تنجح فيها
وعلى فكرة انا عندي الملزمة حقتها ومترجمة كلللللللللها
انتا استخير وشوووف , انتا أدرى بنفسك
وازا حزفتها او قررت تحزفها وقتها أقولك تضيف إيش
وازا عندك أي سؤال فيها اي شي مايردك الا لسانك =)
|