[منتسب123]

السلام عليكم ورحمة الله وبركاته
كيفكم بعد صاعقة الاختبارات ؟؟
كيف احوالكم مع مناختها ؟؟
إنشاءالله تأقلمتوا على الوضع !!
وكيف الامطار معكم مادري هي نزلت على الجامعة امطار لاني اليوم غايبها وانا من الشمال فما ادري هل الجنوب سقطت عليها امطار أو لا ؟
المهم ارجع للموضوع الرئيسي ابغى فزعتكم لاتخافون ماراح اطلب شي كل اللي ابغاها من أي احد يدخل يدلي برأيه /برأيها . فقط
جيت اكتب هنا وانثر همي اللي فاض في . احس بشي في قلبي ماني عارفه بايه افسره . قاعده ابكي مالت علي على خيبتي
فمصيبتي ومشكلتي المعقده هي
الاختبار الأول 11 من 30
الاختبار الثاني 14 من 30
هاذي الدرجات تتعلق بالرياضيات الكل يعرف ان الاختبار النهائي للرياضيات من 40 درجة عاد انا المطلوب مني حتى اجتاز الرياضيات إني اجيب في النهائي 35 درجة يعني لو غلطت في خمس اسئلها في الاختبار النهائي مع السلاااامه وانا اصلاً في الاختبار الاول غلطت في 19 سؤال والاختبار الثاني غلطت في 16 سؤال يعني بالعربي الفصيح لازم مانقص 5 درجات في الاختبار احس ان هاذي مسخرة خصوصاً في نظامهم اللي يمنع إعادة الاختبارات ولااعرف الحكمة منها يعني اذا خايفين ان الطلبه يسوون حيص بيص والكل يختبر يحطو شرط إللي اخذ اقل من نصف الدرجة يحق لها الدخول في الاختبارات وتكون تحت مسمى الاختبارت المساعده
سؤالي هو لو شخص من الطلبه سواه وغاب في اختبار الدوري الثاني ايش كان ممكن يصير؟ لاني صراحة لقيت بنات غابوا ولهم إعادة وصراحة ندمت مرره ؟
سؤالي الاخر لو غاب شخص في الاختبار النهائي ايش ممكن يصير ؟ هل له إعادة او لا ؟
وهل تتوقف المكافآة على الفصل الدراسي الثاني اذا حملت مادة من الفصل الدراسي الاول والله ماني خايفه من قطع المكافاة بس احتاجها في مدرسة الاحصاء اللي شايلها همها من ذحين وصراحه اسعارهم ضاربه قبل هذه الاختبار اتصلت على مدرسة رياضيات قلت لي بس جزئية الاختبار اشرحه لك ب2500 قلت لها خير قاعده تشرحي لي مكونات الذرة قالت لي لا بس يكفي ان فيه رسوب ونجاح طبعاً تركتها
طيب انا اذا ابغى اجيب درجه في الاختبار على ايه اعتمد بنات يقولون احفظي جميع القاعدات ؟ اذا فيه احد جاب درجه مخسوفه في دور يالاول والثاني بعدين عدى ياليت تقولولي وتريحوني لاني احس اني رايحها على الجامعه على الفاضي ؟
بعدين تعالوا هل يساعدون في الاختبار يعني لو نقصت 3 درجات او خمس يعطوني زياده للاجتياز ولا لا ؟