السلام عليكم جميعا..
ألف مبروك بالنسبة للطلاب والطالبات المقبولين عن طريق التبادل الثقافي من مختلف الدول.
وعقبال الباقيين إنشاا الله يارب..
الحمد لله إني مريت على موضوعي وشفته
في بداية الموضوع أتذكر إني كتبت لا تخلوا طريقة ما تقدموا فيها، وأي شي الله يقدركم عليه سووه حتى لو تحسواا إنه مافي أي فايدة منه في نظركم، لأنكم ما تعرفوا إيش الخير اللي ربنا يكتبه لكم..
الشي التاني:
بقراا قريت بعض الردود اللي تقول لاتقدموا وداا مو لكم وقد نصحت قبل كداا، لا تسمعواا كلام أي أحد، اجتهدواا في أموركم الشخصية باللي ربي يقدركم عليه، والله يوفق الجميع إنشاا الله..
بالنسبة للطلاب والطالبات اللي يبغواا يقدمواا عن طريق السفارة:
تم تغيير المواعيد من شهر مارس إلى شهر يناير من عام 2011م.
فالتقديم الآن بدأ وصار له 3 أيام.
أي طالب وطالبة سفاراتهم تسمح لهم بالتقديم الآن كالسفارة اليمنية أو طلاب الاتحاد الأوربي يبدؤواا بالتقديم الآن، ولا ينتظروا حتى يتم قبولهم على المنح الداخلية أو لا..
التقديم دائما حق من حقوق الجميع، وجميع الأوراق المطلوبة فيه مهي رسمية، ومني عارف ليش بعضكم وخصوصا الطالبات مترددين تقدموا؟!!
بالعكس قدمواا وسوو اللي عليكم والتوفيق من عند ربنا..
أختي عازفة الكيبورد:
المبتعثين ما يشترط إنهم يكونوا من خارج المملكة، حتى المقيم في المملكة يعامل نفس المعاملة إداا كان جاي عن طريق دولته..
لكن لازم تنتبهي لشي مرة مهم:
الطلاب المقيمين أو المبتعثين من خارج اليمن للسعودية نوعين، في طلاب منح، وفي طلاب مقاعد
اللي على المنح هماا اللي ياخذواا المكافآات ويتعاملوا في كل شي معاملة الطلاب الممتنحين، لكن طلاب المقاعد يحصلواا فقط على الدراسة.
فـ انتي تأكدي من دولتك إيش اللي حصلتي عليه، منحة ولا مقعد، وما أبغى أستعجل وأقلك الكلام اللي قاله تصريف، بس حاولي تتأكدي ضروري.
لأنه مافي شي اسمه مو معترف فيهم، لأنكم جايين مليون في المية عن طريق معاملة تحولت من الرياض من وزارة التعليم العالي..
لازم تتأكدي يا أختي، وارجعي لسفارة بلادك واوصفي لهم الشي داا معاكي وإنهم قالوا لك إنوو مو معترف فيكم، وشوفي إيش يقولوا لك..
وعلى طريقة الأخت عازفة
خلاصة كلامي:
التقديم في غالب السفارات اللي تسمح بالتقديم بدأ من بداية السنة الميلادية الجديدة، وفي الغالب يستمر لمدة شهر، فاللي ما قدم يقدم الآن حتى لو هواا سبق وقدم على أي جامعة أو أي شي في الداخل أو الخارج، ولا تيأسوا وربناا مع الصابرين.
على فكرة تراا التقديم بلاش
مني عارف ليش مستحيين تقدمواا
حتى اللي نسبته أقل من 95% يقدم ما تعرفواا إيش ربناا يكتبلكم، خلوهاا تجي منهم ولا يجي التقصير منكم
الله يوفقكم أجميعن ويسهل عليكم يارب ويحقق لكم ما تتمنوا يارب..
دعواتكم لي بالتوفيق؛؛