[خالد9921]

وبالنسبة للأخ خالد ترى انا عارفة انو احنا غير وانو الجامعه معقدة الامور بس كمان جحود النعمة مو حلو :)

هلا خيتو
ماحد جحد النعمة الحمدلله مرتاحين

بس ليه نقول والله المكافئة ما تكفي المكافئة ما تكفي..؟؟

اقدر اقولك ليش ,, بس حتى انتي كمان جاوبتي على نفسك !

صح في ناس ظروفهم تحوجهم على المكافئة هادي وبالعكس يادوب تكفيهم

هذا جوابك وهو جزء من جوابي اظنه كافي ,, وللاسف مش يادوب الا تخلص بعد اسبوعين !

لكن اعتبرو نفسكم فالمدرسة ومافي مكافئة بتطالبو بالمكافئة؟؟ طيب ليه ماقلتو والله احنا نبغى مكافئة ايام الثانوي والمتوسط واحنا محتاجين وماعندنا..؟؟

مرحلة عمرية عن مرحلة تختلف !!
معروف بكل الانظمة المدنية خاصة اللي واضحه زي الغربيه
انو الإنسان يُعتبر قاصر لغاية سن الــ 18 سنه
ولا يقدر يتحمل مسؤولية نفسه الا في حالة هو اعترض على رعاية والديه سواء بعنف او سوء خُلق او غيرووه !!
هذا وهي دول 99,99% من موظفيها من عيال البلد حتى عامل النظافة والبقّال !!
يعني الواحد عندهم ممكن يشتغل بأي كازينو ويدبر روحه حتى لو بنت !

اما هنا الوضع يختلف 1800000 درجه !
كفايه ان الفرد عندنا اساسا غير مؤهل للعمل الا من رحم ربي !!!!!!
ولا ننسى انو كمان في طلاب متغربين عن اهاليهم وحتى السكن يستأجروه وعددهم كبييير
انا ما جيت اطالب بالزياده عبث والا زياده لمجرد الزياده !
الا لأن الطالب يعتبر حلقة بمجتمع كل قطاعاته تعترف بغلاء المعيشة وتقر الزيادات بالرواتب !
وللمعلومية حتى المؤسسات الاجتماعية مثل الضمان الاجتماعي والجمعيات رفعوا حجم الاعانات !!!!

شيء اضافي الدولة مسوياه تكريم مو اكتر

تكريمي ؟؟؟؟!!!!
والله اذا كان مجرد قبول الطالب كمُنتظم بالجامعة بشهادة ثانوية يستاهل تكريم ألف ريال لعدة سنوات
فمن باب أولى ان خريجين البكالريوس والماستر يتكرمون بنفس الطريقة !

خانك التعبير قصدك ( إعانه )

ما دول برا مسوية اعمال ترى حتى الجامعه مسوية وظائف..اكتر من مرة شفت اعلانات فالجامعه على وظايف ومرة كنت واقفة ولقيت طالبة بتستفسر عن الوظائف الخاصة بالطالبات

بالنسبه للعيال آخر عهدي بالكلام هذا بالصيف الماضي سألت عنها
انو وظايف عمادة شؤون الطلاب اولا للطلاب اللي ما يستلمون مكافئه
ثانيا اكثر شي تاخذه 500 ريال فقط !!
وتشتغل لمدة ساعتين تدبرها بطريقتك من 8 -2 الظهر
بالله عليك طالب التحضيريه اللي متغرب مثلا عندو ساعتين بالوقت هذا ؟؟
ما كانو الانقليش لحاله ياخذ 4 ساعات يوميا وتصل 5
والا 500 ريال ايش تكفي ؟؟ والله متر في مترين ما يلقى ينام فيها هههههههههههههههههه

وبلاش نتكلم عن دول اوروبا وافريقيا عندك الامارات والكويت والبحرين وقطر ومصر والدول العربية عموما..

حلوه هاذي ليش اقارن نفسي بأقل مني لو اخذنا بكل كلامك !
على كلامك لما يجيني سيول اقول فيضانات بنقلاديش مو احسن مني الحمدلله ان الله مع الصابرين !
للأسف تعلمت اني بأي مجال حتى لو على المستوى الشعبي أقارن نفسي بالافضل !!
وللمعلومية كلامك فيه دول فيها امور لمواطنها غير عنا وما ينفع نقارن زي قطر والامارات بالخصوص !

واصلا انا سمعت انهم حيزودوها بس مدري متى..السنة اللي فاتت نزلو فالمنتدى هرج كتير عن مجلس الشورى وقالو انها حتكون اظن 1300..!!؟؟ بس ما اعرف متى حتزيد :s

ايوه عشان كذا قلت كلها 300 ريال ما حتفرق معاهم لانو هذا كان المقترح
بس واحد من الاعضاء اعترض عالزياده واتنسى الموضوع خخخخخخ