رد: تكفون تمرين بسيط ابغى حله الكتاب الاصفر
السلام عليكم أختي في صمتي كلام
الفكرة بسيطة للغاية لدرجة ما شريت الكتابين للإنجليزي لأنهم تافهين بالنسبة لمستواي في اللغة حتى هذه المرحلة
أنتي محور حديثك حسب كلامكم فوق عن فروقات
many vs much
a vs an
any vs some
بالنسبة للأول هناك أشياء في الحياة تعتبر معدودة أي من السهولة بمكان عدها على اليد وإحصاء عددها مثل عدد السيارات وعدد المحاضرات وكذلك عدد مشاركاتك في المنتدى فنستخدم معها many
فلما أبي أسألك عن عدد غرف بيتكم راح أستخدم many
How many rooms of your home
لكن much تستخدم للغير معدود مثل السكر والأرز والأشياء صعبة العدد (( ريلاكس شوي = تخيلي جالسة في المطبخ وحاطه الكيس قدامك وتعدين الرز حبة حبة قسم بالله مجنونة وحالتك مستعصية ههههههههههههه إلا تخيلي لو لخبطتي في الحساب كيف بترجعين تحسبينها ))
=======================
نجي للثاني نستخدم a مع كل شيء نكرة فلما أقول أنا يا صمتي فيه قلم هنا القلم عبارة عن نكرة ممكن أقصد قلم سائل ممكن جاف ممكن قصدي قلم فلانة لأني قلت كلمة مبهمة ان فيه قلم وبس
هنا نستخدم معها a فأقول مثلاً يا صمتي أنا اليوم شفت سيارة مثلاً I saw a car ممكن سيارة دورية ممكن سيارة جارنا المهم سيارة وبس
لذلك في حال التعريف أستخدم the فلو قلت لك I saw the car فأنا هنا أقصد شيء معروف بيني وبينك مثلاً كنا نتكلم عن الدورية وقلت لك الجملة فوق على طول يجي بالك على الدورية
مثل لما أقولك فيه أستاذة طيبة وحبوبة ( هنا نكرة ممكن تفيدة وممكن أم برعي ) وأنتي سألتي مين هي يا أبو نايف وقلت لك ام حنفي
وبعدين كملت كلامي وقلت وراحت هالأستاذة لمكتب العميد ( مباشرة يجي في بالك إنها ام حنفي لا تفيدة ولا أم برعي ) لأنها جات هنا معرفة وعلم وليست نكرة
نفس الفكرة أسقطيها في اللغة
أما سالفة an فهي نفسها تماماً فكرة a اللهم أي كلمة تبدأ باحد احرف العلة الخمسة تأخذ an
وحروف العلة a,e,u,i,o
فلو بتكلم عن شيء نكرة يبدأ بأحد هالأحرف سأستخدم an في البداية ..... ولو تم تعريفها حالها من حال اللي فوق تأخذ the
أنا شريت اليوم آيسكريم بس ما قلت لك آيسكريم كون زون ولا توفي ولا شوكولاته آيسكريم وبس ما عندي بربرة زيادة
I bought an ice cream
شفتي كيف أخذت an لأن الآيسكريم يبدأ بحرف i
وعليها قيسي بقية الأمثلة
أما الأخيرة فهي أسهل من سابقتها نستخدم any مع عدم التوقع و some مع التوقع
مثلاً بسألك عندك خبر عن الإمتحانات ولا لا ( وأنا في قرارة نفسي عارف إن ما عندك خبر ومطنشة الدنيا ولكن عندي امل يكون عندك خبر )
أسألك بصيغة عدم التوقع لأني غاسل يدي منك
Do you know any news about exam
بس ممكن عندك خبر وممكن لا ( لكن بالنسبة لي أنا السائل حاس ما عندك سالفة )
لكن لو بسألك عندك فلوس ( ما يحتاج البنت لو تهزها يطيح منها خمسميات من مسك الفلوس ) هنا أنا متوقع ما يحتاج وطامع فيك فأسألك بـ some
Can you give me some money
وفي نفس الوقت ممكن ما عندك بس توقعي أنا السائل إنه عندك
وممكن تستخدم في صيغة الجملة العادية مثلاً بقولك يا بنت الحلال يقولون الإمتحانات ما بيجي فيها ولا سؤال معقد كل الأسئلة سهلة
هنا توقعي انا المتحدث إن الأسئلة سهلة ولا فيه سؤال صعب فأستخدم any لنفي الشيء من بالي حين الحديث
no any diffecult questions
لكن لو بتكلم معك عن شهادتك بعد الإمتحان وأنا حاط في بالي إنك إن شاء الله ناجحة ولكن أذكر قلتي لي إن فيه مادة إنك بتحملينها بعيد عنك لكن حسب كلامك واثقة بتحملينها وهنا خليتي في بالي شك إنك حملتيها
أسألك بصيغة some لأني وقتها حاس إنك جايبة العيد فأقولك
did you have some fail subjects
طبعا some تعني اكثر من واحد وبعيد تحملين مجموعة وإن شاء الله تولدينها بالسلامة من بدري وترتاحين من الهم والغم ولكن من باب ضرب المثال حتى يتضح كلامي
شوفي بعد هالشرح المبسط لو ما عرفتي تحلين الأسئلة قياساً عليها راح تصير علوم ما تعجبك
أنا واد حمش ما بهزرش
|