[حأقعد عالكاشير]

السلام عليكم ورحمة الله وبركاته

كيفكم بنات ,, إن شاء الله تمام ,, وجداولكم تمام التمام

المهم حبيباتي أنا عارفة إنو كلنا نفسنا نغيب كل الأسبوع الجاي نستعد لاختباراتنا النهائية
بس بجد بجد بجد الأستاذه حنان كان ودها تختملكم المنهج الأسبوع اللي فات أو حتى تدبرلكم وحدة تختملكم بدالها بس ما تيسرلها اللي تبغاه
وبسبب مرضها اللي مازالت تعاني منه فهي كلمتني أبلغكم أربع نقاط ضروووووورية :

أولها : إنها تعتذر عن محاضرة يوم السبت الموافق 4/2/1432هـ
وحتديكم محاضرة يوم الإثنين الموافق 6/2/1432هـ لمدة ساعتين لكل شعبة عشان تختم المنهج معاكم وتبلغكم عن المحرومات

ثانيها : أي طالبة كان عندها غيابات تجيب أعذارها معاها يوم الإثنين

ثالثها : الطالبة اللي غابت عن الدوري الثاني ضروووري تحضر يوم الإثنين لأنو التقرير المرفق بعذرها واللي حينرفع لها لازم يكون فيه توقيعها ورقم جوالها فاللي تعرفها أو هيا شافت الموضوع ضروري حضورها

آخرها : لو حابين تتواصلوا معاها في أشياء ضرورية ممكن ترسلولي عالخاص وأنا أوصلها اللي تبغو يوصلها وأرجع أرد لكم جواب

وأنا حأشقر بعد كل صلاة على المنتدى عشان يوصل اللي تبغوا لها بأقصى سرررعة

أدعووووووووووولها بالشفاء العاجل فهي تحتاج دعائكم

وتمنياتي لكم بالتوفيق
تحيااااتي :)