[الايطاليهـ]

المشاركة الأصلية كتبت بواسطة سعودية طموووحة السلام عليكم ورحمة الله وبركاتة حابة اقدم عالبعثة وابي مساعدتكم يااخواتي المبتعثات واخواني المبتعثين... انا متخرجة2006 بكالوريوس ادب فرنسي وعندي دبلوم حاسب ومستويات باللغة الانجليزية ودورات متعددة وخبرات مهنية بالاضافة لتوصيتين علمية من دكاترة بالجامعة في البدايةحابة اقدم على الماجستير العام لو ربي ارات وانقبلت كان بها لو مانقبلت لاقدرالله فكرت اقدم عالبعثة والي عرفتة انها بتفتح شهر8 /1432 كعادتها السنويه هل صحيح هذا الموعد ياريت احد يأكد او يصحح الموعد مشكورين. حابة اسئلكم شويه اسئلة لو بالامكان تساعدوني فيها ... اولا لو فرضنا اني انقبلت بالماستر العام وحبيت اقدم عالبعثة ممكن يضموني ولا يرفضو بحكم اني انقبلت بالجامعة ومايحق لي اقدم عليها؟ ماهي الاوراق المطلوبة غير الشهادات عشان اجهزها من بدري فتكون اوراقي كاملة انشاءالله ؟ هل احدد الدول الي حابة اقدم بجامعتها ولا الوزارة هي الي بتحدد هذه الدول؟ هل اختار الدوله واراسلهم عشان قبول الجامعة ولا الملحقية هي الي تتكفل وتجيب القبول من الجامعة؟ بالنسبة للعمر في الموقع مطلوب للي بيقدمو عالماستر27 واعرف ناس قدمو وهم في الثلاثين فهل شرط العمر محدد زي ماهو موضح لان عمري28 يعني في احتمال يرفضوني لاقدرالله بسبب العمر؟؟؟ وبالنسبة لاخويا كمحرم يعتبر مرافق لي ويحق له بصرف راتب مرافق وبدراسة كورس لغة انجليزية وماهي اوراقه المطلوبة؟ اسفة لو كثرت عليكم بالاسئله بس ساعدوني بلييييز وتمنياتي لكم بالتوفيق والنجاح وترجعو من بلاد الغربة رافعين الراس وبشهاداتكم الي تشرفنا عاجلا غير آآآآجل اللهم امين.

الموعد تقريبا شهر 8
انتي ادخلي لموقع الابتعاث كل فتره وشوفي نزلت المرحله السابعه او لا
خليك يعني متابعه لهم لايفوتك الموعد

لو انقبلتي بالماستر وقدمتي ابتعاث مابيرفضون
وبتنقبلين ابتعاث وانتي عاد اختاري تروحين او تجلسين تكملين ماستر هنا وتكنسلين البعثه

الاوراق المطلوبه هم بيرسلون لك ايميل يبين لك وش يبون بالتفصيل لاتشيلين هم

بتحددين انتي 3 رغبات للدول وهم بيحاولون يحققون الرغبه الاولى واذا مانفع يحاول بالرغبه الثانيه وكذا
بس غالبا بيحققون رغبتك الاولى

بالنسبه للقبول بالجامعه وهالامور الوزاره بعد ماتقبلك ببرنامج الابتعاث تعلمك خطوه خطوه وش مطلوب منك ووش اللي بيتكفلون فيه هم

بالنسبه للعمر مادري
بس اللي اعرفه انه اذا ماقبلوك بسبب عمرك يمديك تروحين على حسابك وتجيبين قبول من جامعه هناك وتقدمين اوراقك مع القبول ويضمونك لبرنامج الابتعاث

المرافق يصرف له راتب
بس مايحق له دراسه كورس انجليزي حسب معلوماتي
اللي يحق له انه ينضم للبعثه من هناك اذا جاب قبول معهد من هناك

وبالتوفيق اختي