[ثامرالهيلا]

تجيني طيف ياعمري على جنحان شوقي لك
أخاف أرمش من عيوني وأبعثر جية وصالك

حبيبي لاتجيني قول وين أنت؟ وأنا أجيلك
أبيك تقول وين أنت وعلى عيوني أنا أسعى لك

وربي فوق روس الشوك لأخلي القلب يمشيلك
وأخلي ظلالي يسبقني قبل يحضني منزالك

ثواني بس أبي أتهندم من عيونك وأبي أهديلك
*في عينك ضحكةٍ حتى تكحل عين عذالك

يقول الناس بغيابي تشب القلب ويضويلك
حنيني ومن وهج شوقه يميل القلب للآمالك

قضى دمعي من عيوني أبي من عينك أبكيلك
أبنثر من ورى عيوني دموع عيون ترحالك

تعبت أهرب من الأشياء البسيطة من تفاصيلك
تعبت أسئل زوايا البيت عن أول وآخر أحـوالك

وحتى الشوق من صبح الدرايش قام يهديلك
عصافير الرضى ترفرف على بيبان مدخالك

هنا ترمي صباح الخير قبل لاتروح وأدعيلك
وهنا تضوي مساء الخير في عيني من هلالك

حرام الليل ماهو ليل إذا ماكنت في ليلك
وحرام الصبح ماهو صبح إذا ماكنت بظلالك

تروح وقلت أحط روحي على كفي وأناديلك
نزعت العمر من شفت الغلا بالروح نادالك

بربك قول وش سوى الفراق بوجه منديلك
تسيل ألوان طيفي فيه الا من البكا سالك

حبيبي لايبكيك الفراق ولا يهد حيلك
أخاف الدمع من عينك يجفف صورتي في بالك

تعال أحتاج اسولف لك عن الأيام وأشكيلك
وأفيض غيم الحزن وأنثر حنين الشوق بأقبالك

تعال وحط في قلبي هموم الفرقا وأشيلك
لان القلب ماهو قلب إذا مافي نبضه ماشالك

وقف دمع من عيوني أبي من عينك أبكيلك
أخاف أبكي من عيوني وأبعثر جية وصالك