[مليت البعاد]

انا اللي اعرفو انك تقدري تراجعي درجتك في الترم اللي بعدو كلو بس اذا انتهى الترم خلاص ماينفع

يعني يكون عدى عليها ترم بس مو أكثر

أنا راجعت 3 مرات

المرة الاولى مع الاستاذه بدريه الجهني الله يسعدها راحت معايا المستودع وقعدنا ندور ورقتي حق النهائي الين لقيناها بعد جهد جهيد وكانت معانا مشرفة المستودع تراقبنا وراجعتلي فقرة فقرة بس طلع مافي غلط يعني درجتي اللي اترصدت صح

المرة التانيه مع دكتور رصدلي 60 وانا متأكده 100% انها مو كدا
عاد الدكاتره صعبه توصليلهم
قعدت ادق عليه على مكتبو اول ما اترصدت الدرجه بس ماحد يرد لانو خلص الدوام خلاص والرجال راح اجازتو وانا على نار
وانتظرت الين بدأ الترم اللي بعدو وادق عليه كل يوم بس مايرد
الين بعد شهر من بداية الترم اللي بعدو واخيرا رد
وفهمتو الموضوع قلي بدري
قلتلو انا كنت اتصل وماحد يرد المهم قلتلو ايش الهرجه وقلي دقي بعد 10 دقايق اكون دورت اوراقك وطلعتها
ودقيت بعد 10 دقايق قلي لقيتها وقعد يقولي كل درجاتي في الدوريات والتكاليف والنهائي وقلي مجموعها 60 يعني اقلب وجهي
قلتلو طيب شكرا وماقصرت وانا اسفه عالازعاج وقفلت

بعدين قعدت افكر فيها واجمع درجاتي اللي قالي عليها طلع معايا المجموع 75
مرة فرحت وقاعده اعيد كل شويه وجربت كل حاسبات البيت عشان لما ادق عليه مرة تانيه ما اتفشل

ودقيت وقلتلو يابن الحلال اجمع مزبوط ترى المجموع 75 مو 60
وقعد يجمع طلع 75 وسوا نفس حركتي لانو مو مصدق
قعد يعيد ويحسب ويحسب
الين لقى مافي مفر من 75
قلي آسف ومني عارفه ايش ولا يهمك بعدلك هيا بالكثير بعد اسبوع تلقي درجتك تغيرت
ومر اسبوع وماغير الدرجه
دقيت عليه قلي رئيس القسم سوالي مشكله وطلب فتح محضر عشان تعديل الدرجه
لانو 15 درجه يزودني هيا مو هينه المهم وسوو المحضر معاه وبعدها بكم يوم تغيرت

اما المرة التالته فكانت مع منار سبأ
رحت راجعتها لقيتها منقصتني 6 درجات في غياب
قلتلها اتقي الله انا اعذاري اضطراريه وكلها عندك وانا عندي مراجعات في الوزارة في الرياض معقوله اجي جده عشان محاضرتك

قالتلي معاكي حق بس لو رحت اعدلك حيسوولي مشاكل وحيقولولي ليش تغلطي في الدرجات وانا ماني ناقصه خلاص مشيها

قلتلها لا ابغى 6 درجات وقعدنا نتجادل الين قالتلي طيب بعدلك هيا بس لاعاد اشوفك هنا في المكتب << تسكتني
المهم ولا عدلتها ولا شي
بس انا قبل لا اخرج من عندها قلتلها لو ماعدلتيها ماحسامحك عليها

عاد هيا وربها


سسوري عالاطاله

بس عشان اي احد عندو حق في الدرجات يروح يراجع وياخذ حقو