صبايا ردووو عليا بليييز
كيف مادة بحوث عمليات >>مع امل تركستاني اخدتها
|
المادة موصعبة
اهم شي ركزي معاها في المحاضرة "افهمي" كل نقطه معاها تماااام
وكمان "تدربي" على التمارين الي تديكم هيا تماااام
لو سويتي دي الحاجتين صدقيني حتجيبي اعلى الدرجات
انا مشكلتي ما كنت اتدرب على التمارين زي ما كانت تقولنا وكنت اسيبها لوقت الامتحان بس وقت الاختبار والله ندمت لان التمارين جابتلنا هيا في الدفتر وانا عارفه الحلول بس مو متعوده على الحل و ايوا كمان نسيت "الوقت" , الاسئلة على قد الوقت ما يمديكي تفكري كتير , يعني لو كنتي متدربة على الحل ومتأكده ان كل قانون حل الشي الفلاني حتمشي تمام بس لو قعدتي تفكري وتحوسي وقت الاختبار ماحيكفيكي الوقت , يعني تدربي وحتلاقي كل شي سهل ان شاء الله
و امل تركستاني كويسة لا تخافي مررة
بالتوفيق