جـنــوـوـون الـوقــت!
كم لي وانا عد الثواني وانتظر؟!
غابت سنين وبقت لي دقايق
كم لي وانا ارجي حلم يحتضر؟!
مقدر انسى ... ولا اطفي به حرايق..
ماهو صحيح الوقت يخون
بس الزمن هذا عجول
يستعجل الفرقا لنا ... وننسكب باقي ظنون
من كاسة أوجاعه
آه يامرّ الليالي في غيابك
آه ياقسوة رحيلك على عقرب الساعه
الّي لبست ثيابك..
وماقدرت أعرّيها ..في غيابك
رغم الألم فيها... استحيت
عيّا علي الوفا ... انزعها لو جنّيت!
آه ياقسوة رحيلك على عقرب الساعة
كل ليلة يركض للساعة {...سبـعـة...
ومانلتقي
وينتظر لـ ثاني يوم ويسابق بطاعة
ولا يشتكي ...لو مالتقينا
بس ينتظر... يمكن يحن اللقا ويجينا!!!
وش أخبار الحزن وياك؟
حدي حزين...
وش اخبار الألم وياك؟
كلي حنين...
مااظن ان الدقايق بتحس فيك
انت تطاوع؟.. ولا هي تمشّيك؟!!
هذا وانت عقرب في ساعة
كيف انا ... وانا احساس ودم؟!
ويش اسوي ... دام الي انترك لي هم؟!!
وذكرى وجع ... وأشواق يسكنها ندم!
كل يوم التقي به الساعه {...سبعه...
وقبل لا يجيبه الوقت..... احتريه!
وادري ان الليله صعبة
جنون الوقت.... شوقي يغذية
ويستلذ بعذابي
مدري أنا أخطيت ؟... ولا يلعب باعصابي؟!
وادري موعود بهمومي بس أكابر
ويهمس العقرب للدقايق
يمكن يلتقون...مسكييييييييين قلبه حرايق
وانا صابر!
واعد الثواني وانتظر!!
وارجي حلم يحتضر!!
نفسي أعرف وش شعور اللي يعيش
وقلبه ينبض
واللي يحضن حبيبه بطيش...؟!
وش بتخسر لو تجرب ... وترحم الساعة
ولو غرها جرحي وأبتّ
بسرق الوقت!!!
لذة جنونه ....(موعد)
.
.
.
... يصير اشاعة !!!
ماقدرت انزع ثيابك و اتمرد على وقتي
واجتث ساعة
... امحيبها شوق وحزن
وذكرى وطن...غاب وترك لي شعاعه
يمكن لأني نقشت الوفا حرف على قلبي
ويمكن انه طباعة!
بس الأكيد ان اللقا أصبح اشاعة ! ! !
|