[ام حمدان]

المشاركة الأصلية كتبت بواسطة the expert الله يوفقك وييسرلك أمورك وبالنسبة للبرود والشرود الذهني ( هذا نمر فيه كلنا) وأتوقع السبب هو الأستعداد من بدري والتركيز على أيام الأختبارات من شهرين فالحماس يقل .. وأتوقع أنه زود حرص تشعرين بأنك شاردة الذهن وعندك برود ... انا اللي مفجر مخي ومجنني أن بعض الزملاء يدخلون الأختبار وهم والله مايعرفون رمز الماده <== هذا اللي يسمى بروووووود طبعا معروف ان الدراما أحد أصعب ثلاث مواد في التخصص يسألني أحد الزملاء ويقولي تراني مافتحت الماده تتوقع اني أقدر أخلصها في يومين قبل الأختبار <== قلتله ليه يومين كثير يومين يمديك تخلصها في يوم وتراجعها في يوم الماده هذي أقل شيء ثلاث اسابيع ويادوووووووووووب تلحق والأخ يقولي يومين <== هذا البرووووود الصدق على العموم الله يوفقك ويوفقنا ويوفق جميع الطلاب والطالبات والواحد اذا قفلت معه من المذاكرة يحاول يتذكر النجاح ويتذكر لحضات ترقب رصد الدرجات وكيف كل شوي ندخل ونلقى ( الرسالة اللي بالأحمر وتقول نعتذر عن قفل الموقع وذلك للسماح لأعضاء هيئة التدريس برصد الدرجات) وأيضا يتذكر أخر ساعه قبل الأختبار وكيف يتمنى لو ان الأختبار يتأجل ساعتين فقط حتى يكمل ماتبقى عليه . الله يوووووووفق الجميع يارب

الله يوفقنا واياك ياخوي
ياربييي ليش محد راضي يفهمني او يصدقني اقولكم من جد انا من جنبها الترم هذا والله العظيم ماامزح عمري ماخفت مثل ماانا خايفه الحين الاترام الي راحت خوفي كان عادي لاني كنت اجتهد اماهالترم مااحس اني اجتهدت عشان كذا خايفه

يعني مو مسئله ملل لاني مسكت المواد من بدري لا مذاكرتي لكل المواد مجرد قراءه بفهم مو قادره احفظ حاسه فيني تناحه مو طبيعيه الله يخاجني هالترم على خير

المشاركة الأصلية كتبت بواسطة عيون عليا الله يعطيك الف عافيه و يبعد عنك الخوف و يرزقك full mark >> المشكله انو انا خايفه موووووووت بكره ثقافه وفرنسي مع بعض

الله يسمع منك يارب ويعينك انتي كمان ويفرحك بنجاحك

المشاركة الأصلية كتبت بواسطة الديحاني 993 يارب يوفقك ام حمدان انتي وجميع الاخوان والاخوات ويعدي الترم هذا على خير ونفتك من هالجامعة ......وبعض الدكاتره اللي يسدون النفس يوم تشوفهم يفترو في قاع ....من التعقيدات اللي يحطونها لنا حسبي الله ونعم الوكيل ..

واياك ياخوي يارب

المشاركة الأصلية كتبت بواسطة afnan احد يفهمنى الدايركت كوت حتجججججججججججججججججججججججنن

جانا في الاختبار إن شاء الله تكوني حليتيه كويس

المشاركة الأصلية كتبت بواسطة srooo الله يوفقك ام حمدان ويوفقنا يارب وانا بعد بكره عندي رايتنق 2 ربك يسهلها خيتووو...

واياكي يارب

المشاركة الأصلية كتبت بواسطة suzi يآبعد قلبي آنا ربي ييسرلك يآشعلة المنتدى آنت نور وربي آمس دعيتلك دخلتي صمصومة قلبي آنا كمآن علي مآدتين ربي يفتح علينا ونبشر بعض بالفل مآرك ونحول آنتظآم آكسبيرت بجرب نصيحتك وآكيد رآح آستفيد وآذآكر

ياحياتي وانتي بعد دخلتي قلبي
انا ماشفتك اليوم لكن شفت المفضوحه رغد عند البوابه وانا خارجه تخيلي اول ماشافتني صرخت وفضحتني قالت ام حمدان بصوت عالي اشك كل الجامعه الحين عرفتني
مدري ليه اسمي مو راضيين تحفظونه:(
سلمت عليها هي واشتياق وحتى ماافتكر تعابير وجهها هل انصدمت زيكم اول ماشفتوني ههههههه قلتلهم ساعاتها انا في اللاوعي لاحد يكلمني
الله يسمع منك يارب ويرزقنا ويرزقك النجاح بدرجات عاليه والجميع يارب

المشاركة الأصلية كتبت بواسطة كابتشينو << حركاااااااات دوافيررر قديمه يا أم حمدان علينـــا .. هع بسرعه الان ترسلي وضوئك يالشرير انا اقول اشفيني ماعاد اذاكر ونفسي مسدود اثرك تفكرني دافوره --دا كان زمان الترم ذا من جنبها وبقوه والدليل اختبار امس اتفه منه ماراح القى ومع ذلك خبصت فيه لدرجه الستين خايفه مااجيبها :( ومع ذلك بندعي علي وتستاهلي بصماتك وشعورك في اعضاء المنتدى الغلابا مثلي باينه لو اقل تغير مسار ملف << جهازه قديم .. تصدقين كل ما ادخل اشوف موضوع او رد الاقي مافي احد من دفعتي كلهم راحوا مشرفين وبعضهم مدراء وبعضهم مشاركين في مجلس الشورى يمكن << نصاب .. المهم وانصدم في الاختبار يوم جت الورقه علشان التوقيع مافي الا رقمي قديم (06) قلت في نفسي الله لا يفشلنا يارب انجح قبل يجيني مسج يقول " امسك الباب " بس عموماا .. اســأل الله العظيم انه لا يضرك و ان يرد لك نشاطك وقدرتك ع لااستيعاب والعطاء بقووة في الامتحان .. تفألي بس ولا توسوسي وابشرررري بالنجاح .. انا حاس كلنا بننجح << أبن حلال كابتشنيوو

الله يوفقنا واياك ياخوي ونشوفك خريج قريب يارب وبأحلى معدل ولاتزعل من كلامي بس بجد مااكذب عليكم ولا هي حركات دوافير صدقني وربي يعلم

المشاركة الأصلية كتبت بواسطة fahdah.k انا كمان معاك ام حمدان ،، الله يعينا بكره

الله يسخر لنا الاستاذات في التصحيح يارب-على فكره ترى اظن انتي كنتي معي بنفس القاعه قهر ماتعرفت عليك :(

المشاركة الأصلية كتبت بواسطة nana.gsg حياتي ام حمدان صدقيني اذا انتي تساعدينا لوجه الله ومخلصة نيتك ربي مارح يضيع لك صنيعك,ولا حتى تحتاجي تطلبي دعاوينا اصلا لان جزاكي مسجل عن ربي ومارح يخذلك او يسيبك واذا لا سمح الله اتعسر عليك اي شي ادعي بصالح اعمالك اللي انتي مخلصة فيها لله تعالى افتكري قصة الثلاثة اللي دخلو كهف واتقفلت عليهم الحجرة ...الخ :) مارح ادعي لك هنا لانك اساساً طالبة اننا ندعيلك في ظهر الغيب واتأكدي اني مارح انساكِ من الدعاوي سامحيني حبيبتي طولت عليك

ولكم جميع بالمثل يارب

المشاركة الأصلية كتبت بواسطة neeinaab ياقلبو يا ام حمدون من غير ماتطلبي القلب داعيلك اما على التناحة انا يجيني ام التناحة وابو التناحة وست التناحة وكل العيلة تيجي على راسي كانه عاملة حفلة تناحة وانا مش عارفة هادا كله من الشيطان انت استعيذي من الشيطان وصلي ركعتين لله او صلي صلاة الحاجة واقري قران واتوكلي على الله وثقي بالله انه حيوفقك ان شاء الله كان عندي اختبار ادارة امس من كتر التناحة ماكملت مراجعة اصلا ماكنت بدي اجي ولا بدي اختبر واختبرت وكاني ماني فاهمة ايش القصة الله يستر على الترجمة وانت رايتجنج يصير لما نخلص ان شاء الله بعد الاختبار نعمل حفلة

ههههه انتي من غير مااطلب صاحبتي شي طبيعي تدعيلي مو بكيفك غصب عنك
الله يوفقك ياقلبي والجميع يارب

المشاركة الأصلية كتبت بواسطة الفتى الله يوفقك يا أم حمدان , ولايضيع تعبك معانا يا رب .. لحظه بروح لقوقل انسخ دعوة قوووووووية وارجع الصقها هنا .. <<< مايعرف يدعي هههه كتبت بالقوقل "دعوة نجاح" ادور دعوة نجاح مالقيت طلع لي كلها دعوات زواج ههههههههههههههههه بدعي لك من قلبي : الله يوفقك وينجحك ويفتح عيونك صح , والله يجعل كل سؤال تقريه بالأسئلة جوابه يكون موجود في عقلك ويترجم جوابه بكتابة يدك , الله لا يجعل حبر قلمك ينشف ولا يجعل قلمك البنسل ينكسر , الله لا يحدك ع البراشيم ان شألله ان ربي يجعلك من المتفوقات , ويرزقك بالمعدل المتميز يارب , والله لا يفوت عليك اختبار .. الله يحرمك من ابو جلمبو .. تمنياتي لك بالتوفيق والنجاح ,,,

هههههههه احلى دعوه والله ياخوي
ولك بمثلها يارب

المشاركة الأصلية كتبت بواسطة amori ابشري يام حمدان ماطلبت كثير الله ييسرلك امورك زي ماتيسرين لنا يارب هذا اقل واجب ممكن نقدمه لك

ياقلبي انتي واياكم جميع يارب وانا مااعمل غير الي يريح ضميري واطلب اجره من الله رغم اني مااحس اني افدتكم كثير

المشاركة الأصلية كتبت بواسطة cute*soso ام حموودي ..يا حيآآآتي بالنسبة للشرود الذهني دايم تسير .. امس ما خلست الثقافة الا وانا بالسيارة رايحة الجامعة وانا لي كم يوم فيه بس بين كل صفحة وصفحة افهي ربع ساعة الى نص ساعة وافكر بالمطر والهليكوبتر و...هههه وربي ندعي لك من غير ما تقولين ربي يسهل لكـ اختباراتك كولللها ويحقق لك كل احلااامك ياربي

سوسو لاتجنيني انتي الثانيه انتي تدرين انه مو شرود هو النفسيه مو قادره اتقبل الكتب واحفظ الي فيها كأني قاعده اتسلى بس اقرا وافهم
وطبيعي بتدعين لي انتي صاحبتي
يارب ياقلبي واياكم جميع

المشاركة الأصلية كتبت بواسطة رؤى م. الله يوفقك حبيبي و لو على البرود الترم دا فما احكيكي لو قلتلك اني ما مسكت اللينقويستك الين الان ايش تقولي !! ههههههههه قلت العربي الثلوث دا و الثلوث الي بعده اللينقويستك اجلس ازاكرها في اسبوع والثقافه الربوع الي بعدها ما ادري المنهج عن ايش يتكلم اساسا الكتاب على قفلته من يوم ماجا من المكتبه p: والترجمه دحين باطلع على القطع الي اعطتهم هيا الاستاذه هههههههههههههههههه والاختبار العصر فلو كلامي فيه مواساه اتمنى اني اكون ساعدتك بس بجد الترم دا ام البروووووووووود بس ان شاء الله يا رب سهاله .. او سهل الاختبار يكون , سوري سوسو ههههههههههههههه وكلنا معدلاتنا تكون 4 وفوق ان شاء الله

الله يسهلك ياعسل ويبارك لك ولنا في الوقت وتقدري تخلصي الي عليك ويرزقك والجميع النجاح يارب

المشاركة الأصلية كتبت بواسطة nuha كويس مو انا لحالي اللي احس بالبرود وتانيب الضمير اللي زيي كثير ... ام حمدان روحي ربي يوفقك ويسهل لك امورك ويعطيك على قد نيتك يارب والله اني على اعصابي خايفه رحلتي بعد ساعتين وامتحاني العصر الله يسهل (االا كيف الجو والمطر اليوم ),,

امين واياكم جميع يارب توصلي بالسلامه ياعسل ربي يعينك ويحفظك

المشاركة الأصلية كتبت بواسطة cute*soso اهاا ماشاءالله عشان كيذا مبسووته ههه ياحظكم فيه لو عارفا من اول حولت نفس شعبتكم ماتلاحظين زودنااها وغيرنا موضوع ام حمودي >>توها تحس ياويلنا منها بتطيرنا من المنتدى سورري ام حموودي قلبونتي خلاس انا بروح اذاكر

لا ابدا شغل الواسطات مايمشي عندي مو عشاني صديقتك تستغلين هالشي الغلط غلط --
امزح خذي راحتك انا صاحبه الموضوع وراضيه

المشاركة الأصلية كتبت بواسطة غلاالشووق الله يوفقك ياام حمداان وينجحك يااااارب وينجح كل البنات .. وانا معاااكم انا بالذااات استفدت منك كثير .. بكره عندي رايتنق 1 الله يعين احس اني فااهمه بس موفااهمه حلوووها عااااد ..

اتمنى ذلك وربي يعينك ويسهل عليك كل موادك

المشاركة الأصلية كتبت بواسطة ابورامي الله يوفقك ويوفقنا

امين يارب

المشاركة الأصلية كتبت بواسطة أبوظبي أم حمدان اسال الله أن يوفقك فأنتي استفاد منك الجميع في جميع الاقسام وفي المواد التي تخص قسم اللغات أما عن الترجمة فهي مادة سهلة جدا وقد أختبرتها هذا الترم وسوف اوضح لكم طريقة الاختبار بعد الانتهاء من الاختبارات وبوضح جميع المواد التي اختبرتها هذا الترم بس عطوني فرصة لبعد الاختبارات

انا كان عندي رايتنق2 موترجمه

الله يكتب اجرك ياخوي على مساعدتك لزملائك
ويرزقني واياكم جميع النجاح يارب