[فندام]

اختبار القدرات العامة للجامعيين حيعقد بمشيئة الله بتاريخ 19/4/1432 والتسجيل حيكون قبل موعد عقد الاختبار بفترة كافية يمكن تكون شهر على الأقل التسجيل حيكون عن طريق موقع قياس بالنت ورسوم الاختبار 200 ريال
ومافي داعي للتخوف من هدا الاختبار يامعلمة طموحة المهم انك تستعدي بشكل جيد وهنا انصحك ببشيئين لاجتياز الاختبار بدرجة عالية
الأول كتباب الفنون والمهارات اللازمة للتفوق في اختبار القدرات العامة للجامعيين للمؤلف محمد عبدالعزيز طيب الكتاب مفيد جدا ويعتبر تقريبا هو الكتاب الوحيد الخاص باختبار القدرات للجامعيين على حد علمي الكتاب موجود بمكتبة العبيكان ومكتبة جرير

الثاني : هو دورات اختبارات القدرات الي بتعقد قبل الاختبار بفترة يمكن شهر اول 3 اسابيع انصحك تلتحقي بيها لانها حتكون مفيدة جدا وحيكون امامك شخص متخصص بالقدرات يشرحلك ويفهمك كل الجوانب المتعلقة بالجتبار وطرق اجتيازه وطريقة التعامل مع انواع الأسئة الي فيه واسعار هدي الدورات على حد علمي معقولة بس ما ادري ادا كان فيه دورات خاصة بالنتقدمات اول عموما ابحثي عن هدي الدورات بالنت وان شاء الله انك تلقي الي يناسبك منها

نقطة اخيرة بدي انبهك لها وهي على درجة كبيرة من الاهميه وهي انو لازم تشيلي من بالك ومن نفسك التخوف والقلق الزابد الي مالو داعي اختبار الفدرات مجرد اخختبار هدفه قياس قدرات المتقدمين للدراسات العليا مو اكثر ولواستعديتو لو بشكل جيد حتجتازيه وبدرجة عاليه انا بقول الكلام هدا عن تجربه انا وكثير من زملائي اختبرنا قدرات العام الماضي وحققنا درجات جيدة وانقبلنا بفضل الله بماجستير المحاسبة المهنيه فمافي شي مستحيل او صعب جدا اهم شي انو الواح يبذل جهده وياخد بأسباب النجاح والتفوق ويتوكل على الله ويقدم ويترك عوامل الاحباط والعوامل السلبية الي ممكن تعترض طريقتو ولا يلقيلها بال وتكون نظرتو ايجابية وبالتوفيق يامعلمة طموحة