[ضيدان]

لو كان عندك انتساب ويجيك منه مدخول مادي غير طبيعي (وله زباينه وهم بكثرة .. اعتذر عن كلمة زباين بس هذا مفهوم الطلاب بالنسبة لجامعتنا .. زباين.. كل زبون في السنة ادنى حد 6000 ريال ترمين الا اذا اضاف صيفي يرتفع المبلغ ويصير 9000 ريال)

والتطور في التعليم انتج التعليم عن بعد وفتحت الجامعة فرعها الجديد وفيه تقدم سلعة التعليم عن بعد .. وبدأ الزباين يهلون على الفرع الجديد

مع بقاء الفرع القديم ... وزباينه ايضا في تزايد

وانت تدري ان الان لك منافسين.. جامعات اخرى بدأت تدرس انتساب وتعليم عن بعد ........ شرايك لو كنت المسؤول؟؟

راح تقفل اي من الفرعين؟ وانت كسبان؟ في الاثنين؟ وارباحهم خيالية؟ وانت ما تخسر اصلا على طلاب الانتساب الا بطاقة جامعية ... وورقة اسئلة ونموذج اجابة وتصحيح آلي؟؟؟ يعني التكلفة تكاد لا تذكر والارباح خيالية؟

اكيد راح تستمرفي عرض سلعتك دام الطلب موجود.......... والطلب كل عام يتزايد على السلعتين


افلقوني اذا الغوا الانتساب ....... الا اذا فرض التوجه العام لراغبي اكمال تحصيلهم العلمي .. وتغير توجههم الى التعليم عن بعد .. وخف الاقبال على الانتساب


مهابيل يلغوا مصدر دخل غير طبيعي؟؟؟؟ اتوقع الموضوع كله كلام جرايد