[سلطانة بنت السلطان]

Ch 17
جداول التوافق
صفحة 651 في نهاية الصفحة راح تلاقون تقريبا البراغراف الأخير في شي يقول we can use the chi-square …………… هاذا تعريف الجداول .. مهم مهم مهم تعرفي انها تكون مع البيانات الاسمية .. هي أكدت عليه واجد .. فاحتمال يجي في النظري .. لازم نعرف انو مع البيانات الاسمية
شي ثاني مهم .. اللي هو الفروض .. نقول Ho: no relation, H1: there is a relation
شوفوا الجدول اللي في أعلى صفحة 653 ممكن تجينا عدة جداول ويقولوا لنا وين الصح منها ؟؟ الخربطة راح تكون في المجاميع .. لازم مجموع الصفوف يساوي مجموع الأعمدة .. يعني أخر عمود اللي مكتوب فيه total لما تجمعي قيمه لازم تكون تساوي مجموع القيم اللي في الصف الأخير اللي مكتوب فيه total
طيب .. نروح صفحة 654 الجدول اللي تحت .. فيه شي مهم اللي هو تطبيق على القانون اللي فوقه .. عندنا قيمتين جزء في الجدول .. وحدة observed اللي هو أعطاني هي في الجدول .. بس احنا نقدر نطلع قيمة ثانية expected بالقانون اللي فوق موجود ..
كيف ؟؟
شوفي القيمة اللي في الجدول في الصف الثاني العمود الرابع (20) طالع اليها سهم فيه كسر .. هاذا الكسر هو تطبيق القانون
لو قال لك ايش هي القيمة المتوقعة للقيمه هاذي ايش تسوي ؟؟
تروحي تحددي القيمة في الجدول وتشوفي المجموع اللي في الصف .. هنا عندنا في الصف المجموع 80 .. وروحي شوفي العمود اللي فيه القيمة .. كم المجموع ؟؟ عندنا هنا 50 .. وشوفي المجموع الكلي للقيم .. اللي يصير في الزاوية .. هنا عندنا 200
طيب ايش راح نسوي ؟؟ نضرب القيم (مجموع الصف ومجموع الأعمدة ) ونقسم على مجموعهم الكامل (200)
هنا يمكن تلاحظون انه حاط لكل شي قيمتين .. هو حاط المشاهدة والمتوقعة لكل واحد .. يعني الـ 15 مشاهدة والـ 20 متوقعة
طيب احنا عندنا جدول فيه صفوف وفيه أعمدة .. قيمة chi المحسوبة هو يعطينا اياها .. اليها قانون بس مو مطالبين فيه
اللي مطالبين فيه انا نطلع القيمة الجدولية ونقارنها بالمحسوبة .. ونتخذ القرار
كيف نطلع الجدولية ؟؟
(عدد الصفوف -1) × (عدد الأعمدة -1) ونطلع القيمة .. نروح ماخذين القيمة اللي طلعت والنسبة اللي عطانا اياها في السؤال .. ونكشف عنها في الجدول ..
طيب .. كيف نحدد هل قبول او رفض .. اذا كانت المحسوبة اكبر من الجدولية ترفضي Ho
لنفترض انك كنتي في الامتحان ونسيتي او لخبطتي الدنيا وما تدري اذا اكبر ترفضي او تقبلي .. وش تسوي ؟؟ روحي ارسمي وحددي منطقة القبول ومنطقة الرفض .. بتكون عندك في ورقة الجداول الرسمة ارسمي زيها .. تكون الجدولية هي الفاصل .. يعني اللي على اللي اصغر منها قبول واللي اكبر منها رفض .. وشوفي من الرسم هل قبول او رفض

كدا نكون خلصنا 17
ونقدر نراجع من البداية .. اللي تبغى أي شي تقول وان شاء الله أقدر أساعدها
وبالتوفيق للجميع