[عآشقة الجنآن]

بارك الله فيك دكتورتي الفاضلة .. موضوع فعلا جاء في وقته .. و أكثر ما شدني له العنوان .. و فعلا كلاامك يجذب و أنا إن شاء الله حأكون من متابعين الموضوع .. سللمت أناملك .. ^^

و عندي مداخلة بسيطة عن إذنك للأخ أسامة

المشاركة الأصلية كتبت بواسطة اسامـــه واو لهذي الدرجة السنة التحضيرية تشوفها صعبة ويحكم ياقوم السنة التحضيرية اتفه سنة مرت على اغلب الشباب اللي اعرفهم يعني كانت سنة ولا احلى سحبات على الدوام ما ابغا احرضكم على السحب ومتداومون لكن اوضحلك قد ايش كانت سنة هبااالة وغير كذا الاختبارات مافي اسهل منها يعني افهم الفكرة وحل عليها كم سؤال وخلاص ماهي محتاجة اختراعات امم يعني الى الان انا مني شايف شي في السنة التحضيرية يصل الى مرحلة متوسط الصعوبة كلها سهله يعني اللي مايجيب معدل فيها ايش بيسوي في الاترام الجاية يعني شوفي مثلا حالي الحمد لله عديت السنة التحضيرية بمعدل طيب دخلت هندسة وشفت البلاوي وانا لساعي اول ترم فيها وفرق بينها وبين التحضيري كبييير حتى لما نحس اننا مرهقيين انا والشباب من الشغل ولا المذاكرة نقول الاليت التحضيري يعود يوما يعني الى الان مني مستوعب وين الصعوبة في ذي السنة غير انها سنة تعودك على النظام الجامعي وكم معلومة من هنا وهنا فقط لاغير ان شاء الله تعدون التحضيري بمعدلات عالية وكل واحد يخش التخصص اللي يبغاه. بالتوفيق للجميع

هي فعلا تعتبر من أسهل السنوات لكن من أصعب السنوات حرقا للأعصاب و إقلاقا ..

على الاقل لمن تدخل التخصص وأيا كااان .. تحس باستقرار نفسي و عارف إنت فين خلاااص ..

أما إحنا طلاب السنه التحضيرية .. لسه ما إحنا مستقرين و لا إحنا عارفين المستقبل إيش مخبئ لنا .. و إن شاء الله يكون مخبأ لنا كل خير ..

و ما حنا عارفين إحنا بعد سنه من الان فين حنكون

الله يسهل لنا و يوفق كل من تعب وإن شاء الله لكل مجتهد نصيب ..

عذرا ع الاطالة .. ^^