قصتي مع الاحصاء الترم الماضي
فيه واحد دكتور مصري شايب كبير
اسمه الدكتور / عادل ابو سمره
دكتور قمه في الادب والاخلاق
وخبره كبيره في الاحصاء
مكتبه في كلية العلوم
مبنى 115
الدور الخامس
قسم الاحصاء
دخلت معاه الدوره التأهيله
بعد ماسألت الطلاب من احسن واحد في الاحصاء من الدكاتره
عجبني شرحه
قررت اعرف جدوله في الانتظام
وكلمته ورحبي واعطاني مواعيد محاضراته في المساء
من بعد المغرب الى العشاء
كوني موظف وما اقدر اجي الصباح
دخلت معاه كأني منتظم في محاضراته
هذا كان الترم الماضي
ودخلت الاختبار وحليت بكل ثقه
اخذت 89
وهذي هيه الدرجه
لمن طلعت النتيجة
رحت سلمت عليه
وشكرته واعطيته رقمي
انبسط قال
هذي الناس اللي تستاهل
ماهو الناس اللي بتلعب
وقلبه مفحوس من طلاب الانتظام
حلوه مفحوس
مفحوس يعني قلبه تعبان منهم
اخذت معدل فوق الاربعه
والى الان محافظ على المعدل ولله الحمد
الان
*
نزلت 3 مواد
وارتفع المعدل عن الترم الماضي
وكل ماله في ازدياد ولله الحمد
نصيحه اي احد يقدر يدخل كأنتظام مع طلاب الانتظام يسوي الحركه هذي
لانه راح يستفيد
ولا يعتمد على الدوره التأهيليه او سنترا
ولاينسى الشخص يحصن نفسه من العين
ولا ينسى اذكار الصباح والمساء
وبالتوفيق
.