[فندام]

في لبس كبير عند الكثيرين بالنسبة للتقديم للماستر الي حيكون بشهر 3 بإذن الله وححاول ازيل هدا اللبس شوفي يابحر الذكرى
التقديم للماستر حيكون بتاريخ 1/3/1432 وحمتد لمدة شهرين يعني لغابة 1/5/1432 واختبار القدرات العامة للجامعيين حيعقد يوم 9/4/1432 واختبار كفايات اللغة الالنجليزيه الي صار الزامي زي القرات حيعقد يوم 10/4/1432 فالأفضل انك تختبري القدرات والكفابات وبعد ماتطلع نتائج الاختبارين تقدمي للماستر وزي مادكرت طالما انو التقديم حيمتد لمدت شهرين فما عندك أي مشكلة وماحيروح عليك التقديم للماستر فأطمني من الناحيه هدي وبالنسبة للتسجيل بالاختبارين طبعا المفروض انو التسجيل يفتح بموقع قياس قبل مواعيد الاختبارين بفترة كافية يعني شهر او ثلاثة اسابيع فبادري بالتسجيل المبكر ولا تأجلي المسالة هدي لأخر الوقت لأنو الي بيحصل في الأيام الأخيرة للتسجيل انو عدد المسجلين بيكون كبير جدا ويكون فيه ضغط كبير على الموقع وهدا ممكن جدا يتسبب ببعض الاشكالات في عمليه التسجيل بالنسبة للمتقدمين للاختبارين فبادري بالتسجيل المبكر
وبالنسبة للتوصيات العلمية الأفضل فالافضل انك ترفقي النسخ الأصليه لها بأوراقك كدا اضمن واحسن واعتقد انو ممكن تقدمي توصيات العام الماضي ماعندك مشكلة بس الافضل طبعا لو قدرتي انك تجيبي توصيات حديثة لكن لو مااستطعتي فبإذن الله التوصيات حقت العام الماضي كافية أتمنى كدا تكون الصورة وضحت بالنسبة لكي وحطي في بالك انو عندك اختبار ثاني الزامي غير القدرات وهو اختبار كفابات اللغة الانجليزية ولو عندك أي استفسارات اخرى استفسري ماعندك اي مشكلة وجميع الزملاء بالمنتدى ماحيقصرو معاكي ابدا وبالتوفيق بابحر الذكرى