[*Mimi-Chan*]

بنات و شباب السلام عليكم

أبغى أسأل سؤال لوجه الله

طيب إنتم بتقولوا حسبي الله و نعم الوكيل
ولازم ما نسكت
و إلخ إلخ إلخ


طيب مع احترامي إحنا إيش سوينا؟؟؟؟؟

ليش ما نقدم شكوى عن هذا الحال للوزارة أو مدير الجامعة؟؟؟؟

بدل ما نلطم و مدري إيش

علفكرة لو بتحلموا إن السنة الجاية موسم الأمطار يكون أخف ولا الوضع يتحسن صباح الخير جميعاً ^^

لازم نتحرك من الآن نجمع تواقيع اعتراضات ولا أي شيء!!!

مثلا نرسل اقتراحات تدريب للأمن إلي مع احترامي الشديد لهم ما يعرفوا أي شيء عن الأمن و السلامة و هذا مو ذنبهم بل ذنب مدراء قسم موارد بشرية

يعلمونا (قصدي يحفظونا) إن الموارد البشرية الغرض منها و أهدافها و إلخ إلخ إلخ

لازم يدربوهم في حالة المطر و العواصف و الأتربة إيش يسووا و في حالة البنات أو الأولاد المخالفين إيش يسووا، أو لما يغمى على بنت أو شاب أو يصابوا بجروح أو غيره إيش يسووا

طيب وين ياهو؟!؟!...

مثلا نرسل اقتراح عن تدريب طلاب و طالبات الجامعة عن ماذا يفعلن وقت الطوارئ مثلا
أو نرسل اقتراح إنهم يجمعوا اقتراحاتنا عن الخطوات الواجب اتباعها في حال الطوارئ (غير الأمطار في مثلا رياح شديدة عواصف ترابية و غيره)

و عسى هذا يكون درس لنا جميعاً أنا عن نفسي من العام الماضي بعد إلي صار رحت أنا و أختي أخذنا دورات إسعافات أولية

لازم كلنا نتعاون

و شكرا على حسن استماعكم ^^

p.s.: الله بس يخليهم يسوولنا الاختبارات يوم السبت لأن عندي شغل ^^" و مني فاضية لهم صراحة عندي أولويات غيرهم -_-"