رد: تحضيري هندسه... خبراتنا في المواد اللي أخذناها تضعها هنا
IE201:
مادة كررررف كما هو معرووف ... تتطلب لغة انجليزية جيدة ... هوه بس لو التيم تبعك منظم وما عندو لعب ان شاء الله حتكوونو ماشيين تمام بس مشكلتها مادة متعبة وتاخذ منك وقت كثييير ... انا اخذتها عند ريحان زي الاخ اسامة ... ريحان يدقققق بشكل يجيب الصداع ويحبطك مزبوووط .. لكنه يطلعك معلللم صراحة .. يبغاك تسوي الشي بأكمل وجه عشان تستفيد في المستقبل ان شاء الله ...
IE200 :
مادة اللغة الانجليزية .. كل شي يعتمد على الليفيل اللي تبدأ فيه لو بدأت ليفيل 1 او 2 راح تدرس نص الترم انجليزي عادي بعدين في اختبار عشان يشوفو اذا مستواك سار ليفيل 3 ..
ليفيل 3 تبدأ في البحث ... انا بدأت من بداية الترم ليفيل 3 وصراااحة ضيعووو وقت عالفاااضي في نص الترم الاول .. وجو كرفونا في النص التاني .. اول حاجة تختار موضوعك ويقيمك عليه الدكتور .. بعدين تسوي الاستبيان حق البحث وييقيموك عليه .. وتبدأ توزيعه على الناس ... بعدها تسوي الداتا اناليسيس عالاكسل ويقيمووك عليه ... وبعدها تبدأ البحث حيعلمووك الخطوات .. وبعد التسلييم بأسبوع تقريبا حيكون البرزنتيشن وبعدو بيوم يكون اختبار كده سخييف وفي نفس اليوم تقييم البورتفوليو ...
هوه يكون لكل كلاس استاذين .. الاول اللي تحضر عندو ويساعدك في كل شي والتاني اللي يكون مسؤول عن تقييم كل شي وما تشوفو غير وقت التقييمات ...
انا كان اللي يقيمنا التيفوتي الله يقرفو .. وكان الدكتور اللي نحضر عندو اسمو فهيم ...
وتقسيم الدرجات على حسب ما قالولنا :
50% في البحث نفسو ومضمونو
20% بريزينتشين
20% بورتفوليو
10% الاختبار
وعندكم التقييمات التلاتة اللي قلتها فوق تكون درجااات اضافية اللي هما الموضوع والاستبيان والاكسل !!!
على كلام التيفوتي اللي هوه منسق المادة .. اعلى درجة منحت لطالب كنت b هههههههههه
الله يستر بس !!! وفهيم يقول الرسوب تقريبا 50% هههههههه
|