[بلسم الروح]

انا طالبة في جامعة الملك عبد العزيز وكنت وقت الحادثة في الجامعة اختبر اصلا ماكانو يبغو يخرجونا إلا لمن ينتهي نص الوقت... يعيني 11 ونص
بس خرجنا قبل وكان كلام الاخت فاطمة في شيء من الصحة لانه الاستاذات منعوهم وقالو انه الوضع مو خطير هذا الكلام 11 وجلسو بالجامعة لييين 3 العصر
انا ماشفت رجال امن فقط كان فيه شباب دخلو علينا من برا وباصات شالتنا لمن تعبئت وبقيو باقي البنات
في المباني الجوهرة والخامس والمكتبة المركزية طبعا الي يمكن مو مشكوك فيها انها حتهبط عليهم
انا خرجت بالباص ووقفنا برا قال السائق هوا مايودي الا حي السلامة
نزلت انا وصحبتي من الباص نجري في المطر مافي حتى مظلات هذا الكلام قدام بوابة
غربية 2 لمن لقينا باص حق سكن الطالبات بس قلنا له يوصلنا سكن الجامعة حق الدكاترة هذا الكلام وحدة إلا عشرة لمن وصلت البيت
طيب وباقي البنات الي بيوتهم بعيدة وانقطع الطريق فيهم قدام الاندلس ووقف الباص فيهم ونزلوهم عند
عائلة بيتهها عالي شوية عن الدور الأول ورجعو بيوتهم على 6المغرب ووحدة ونص بالليل
ابغا اعرف ليش خرجونا من الجامعة بالباصات؟؟؟
والباصات ظلت واقفة برا عند البوابة؟؟ يعيني اهم شيء نخرج وبس طيب مايخافو انه تتعبى الموية ونغرق بالباص
لانه الموية غطت العجلات
طبعا هوا مو باص زي الاتوبيس صغير وبنات موقادرين يمشو واقفين برا تحت الرعد والبرق
اش اقول بس حسبي الله ونعم الوكيل مافي تنظيم ولا شيء كله شغغغغغغغغغغل عشوااااااااااااااااااااااااائي



قبل 15 سنة طلع عبد العزيز نصيف تكلم وقال نحنا حنسوي المجاري في 6 شهور بس وكل شيء حيكون مهيء
وكلنا قلنا ياريت تسويها في 6 سنين ورااااااااضين

ودحين شوف الحال كيف كل شيء متعطل وفوق كذا قال يبغو يختبرونا يوم الاحد اذا انا
ماصار فيني شيء برضو زعلانة على الناس الي فقدت اهاليها وهيا في بلدها مو معقولة
كل ماتنزل مطرة يصير رعب وخوف وكل واحد يقول نفسي نفسي

انا ماعندي غير حل واحد اطرحه هنا وقدام الجميع وبصوت كل الناس الي اعرفهم وتضررو
نحنا مانبغا شيء نبغا فقط شركات اجنبية من (ماليزيا- امريكا -المانيا اي جنسية على مستوى عالمي تمام طبعا ماعدا الصين )
نبغا شركات منجد ندفع عليهم دم قلبنا بس يطلع شغلهم نظيف يسوو المجاري هنا ويزبطو البلد
نصير زي دبي كله شغل اجانب على مستوى مو يجيبولي بنقالي وهندي وصييني عشانها
يد عاملة رخيصة الثمن وفوق كل دا مافي امانة لا من مسؤولين ولا غيرهم

ابغا اعرف ال 6 مليارات ريال الي انصرفت عشان مشاريع التصريف وين راحت ؟؟
وكيف توزعت ابغا افهم ؟؟