رد: تجمع المتفوقين والمتفوقات لتبادل الخبرات
وعليكم السلام ورحمة الله وبركاته
أول شيء أحب أباركـ للي نجحوا مبروكـ ومن تفوق لتفوق إن شاء الله
و أقول للي ما حالفهم الحظ أو الظروف أو إي سبب ، ما أنتهت الدنيا والفرصة قدامكمـ
و إن شاء الله كل خير في إلي جاي ^^
فكرة طيبة أخ Shabeeb الله يطرح فيها البركة ..
كلمة طقوس تضحكـ تعطي تصور إن في أشياء عجيبة غريبة جالسة تصير
عشان ما تطول السيرة .. أنا ولله الحمد اكرمني الله بالعلامة الكاملة في مادتين وبالتسعينات في مادة
- اذكروا الله و صلوا على النبي :D - طبعًا باقي مادتين ما ظهرت نتايجها بس إن شاء الله خير ..
ماعندي طقوس ولا من هم يحزنون و والله إني كنت فالتها أقوى شيء و ما مسكت الكتب إلا قبل الإختبار
بإسبوعين ،، بس إني اتهلكت هلاكـ .. مذاكرة ليل و نهار الين كرهت الكتب ..
طريقتي في المذاكرة أعتمد على الكتااااااب بس الكتاب لا ملخصات و لا نماذج ولا وجع رأس
كل شيء حيجي من الكتاب و كفاية عليَّ >> هو و يالله على قلبي أروح أجيب من برا كمان ؟!!
وأهم شيء أهم شيء الإستعانة بالله والله لولا عون الله ما ذكرت ولا جبت علامات
كدا قبل ما تفتحوا الكتاب قولوا اللهم إني أبرأ إليكـ من عقلي و علمي و قدراتي والجأ إلى حولكـ وعلمك وقدرتكـ
اللهم إفتح علينا فتوح العارفين وهب لنا فهم النبيين و حفظ المرسلين .. وبسم الله توكلت على الله
وصلاتكمـ على طول مو بس إيام الاختبارات ^^
وامسك الكتاب صفحة صفحة سطر سطر زي المرض @_@ في المرة الأولى أحس إني غبية وماني فاهمة شيء وأن الكلام أكبر مني ومن قدرتي على الاستيعاب خاصة إني دخلت الجامعة بعد 5 سنين من تخرجي :/
بس لما أمسك الكتاب للمرة الثانية احس أنو صار ينفهم وصار أوضح و ممكن اعمل خرائط ذهنية بسيطة
وأكثر من مرتين صراحة ما أمسك الكتاب كفاااااااااااااااااااااااااااااااية ..
والقلق و التوتر هذا أرمي ورى ظهري . الشيء الوحيد الي ماقدرت أرمي ورى ظهري هو إحساسي إنو الناس صحباتي الي تخرجوا من زمان و الناس الي فاضية جالسة تستانس و حرة في وقتها وأنا مقابلة القرف
واحسن حل لهذا الشعور البغيض وكل شعور بالقهر هو البكاااااااااااااااااااء يعني مو مناحة دمعتين تكفي
تعرفوا إنتو ماعندنا تصريف في جدة مو ناقصين دموعكمـ :P
وطبعا طبعا مع الدموع حاجة حلوة كانت تجي في باب الحارة " قولوا الله يا رجال " *_^
أما في قاعة الإختبار ..
فأمسك الورقة ما أبغى أظلل رقم جامعي ولا أبغى أكتب اسمي بس أبغى أبدأ بالحل و أخلص ^^
طبعًا اعبي البيانات ويلا على الاسئلة أقرأ السؤال مضبووووووووووووووووووووط أهم شيء أفهم السؤال
بعدين اشوف الخيارات أقرأها كلللللللللها و أستبعد الخطأ بعدين أرجح الجواب الصحيح واختار
كل سؤال احله أحاول قد ما أقدر إني أكون متأكدة من خياري و أظلل تمااااام على اساس إنو ما حيكون في وقت ارجع للأسئلة مرة ثانية فمن البداية حاولوا تركزوا و تختاروا الجواب الصحيح
السؤال إلي احس انه حياخذ مني وقت ويحتاج تحليل و فكفكة أأجله للأخير بس مع التأجيل اختار على السريع
واحد من الخيارات الي اتوقع انه ممكن يكون الصح ، و أظلل الفقرة بالخفيف ,,
أحط على السؤال في ورقة الاسئلة اشارة إنو هذا محتاج مراجعة قبل التسليم ..
وخلاص على هذي الطريقة احل احل احل في الاخير ارجع للأسئلة إلي خليت عليها علامة
و افحسها و تفحسني و امتحنها و تمتحني ( يا الله قد إيش أكره التفكير ) ^^
و أختار لي أجابة وخلاص إنتهينا
وصراحة صراحة ما أحب أراجع خلاص قدني كرفت عمري قبل الإجابة فأسلم الورقة واتوكل على الله
وقتها تكون هاذي المادة صارت من الماضي لا بكا عليها ولا من هم يحزنون خلاص راااااااااااحت ^^
عشان الناس الحلوة إلي تنقهر و تنكبد وتنكد على عمرها ما يسوى و ما يفيد أصلاً
الدرس العظيم إلي تعلمته من الفصل الأول هو إني ما أراكم الدراسة لأخر أسبوعين
يعني أقل شي قبل الاختبارات بشهر أمسك الكتب لانو لنفسك عليك حق
واختكم وحدة تحب تدلع نفسها مرة فما يهون علي اتعذب ثاني ^^
هذي طقوسي و هذي حياتي بدون بربيكان :P
إن شاء الله أكون أفدتكمـ مع إني احس إني ثرثرت كثير ^^
و موفقين ياااااااااااااااااااااااااااااااااارب
|