[رسمي]

بيض الله وجهك يعني تبي نقول لك ؟

طيب بيض الله وجهك ونستفيد ان شالله من خلالك من هالصحيفة ..

جزاك الله خير يوم صرحت نيابة عنا لكن ليتك شاورتنا وحددنا طلباتنا ..
انت كاتب نيابة عنا وكل كلامك باعتقادي وباعتقادي .. لذلك انت طرحت وجهة نظرك لوحدك

ما اشوفك تكلمت عن الدرجات اللي قاعد تضيع من الطلاب وتحرمهم من المعدل

ياخي اذا انت ماتبي تنافس على وظايف فيه ناس ماعندها وظايف أساساً

وفيه ناس عندها طموح تكمل ماستر ودكتوراه

فيه ناس يهمها التقدير قبل كل شي

وش فايدة البكالوريوس مقبول ؟ بتكلفني مبلغ وقدره واتفشل من المعدل

فيه ناس تبي تسابق على وظائف اعلى من مراتبهم

بعدين الله يحفظ ليتك ماقدرت المبلغ بناءً على اعتقادك ورصيدك بالبنك (الله يزيك) .. نبيها مجاني أو اذا غلبت الروم السنة تصير بـ 3آلاف يعني خصم 50% ترى فيه ناس على باب الله .. أماالديون فأغلبنا عليه قروض

ما تكلمت عن تخفيض من الخطوط السعودية مثلاً

إيجاد اتفاقية مع إسكان معين بمبالغ زهيده في حال رفض اختبار المناطق

ياخي حتى مصلى نظيف ويكفي مافيه .. ماتشوف شلون نصلي بالمواقف وهي تمطر وتحت الشمس

وتوفير بوفيه يليق بنا بدل البنقاليه وجبنهم المبشور الله يكرم النعمه

ما تكلمت عن تعاملهم معنا وكيف يتجاهلون غالباً طلباتنا

وكثييييييييير مابي اقول كل شي عشان ما تقول متحامل عليك

وأخيراً شكراً لك .. سويت شي ممتاز غيرك ماسواه وعنده مقدره ..

تحياتي ..