الحمدلله على كل حال
وكما وعدتكم اذا سقطت في ماده ثانيه اشرف هنا وافضفض زي المره اللي راحت
طبعا خذيت f في الاورال 1 مع ايمان بو ترعه
وبكذا يكون جنب مع اخوه رايتنق 1
لا اله الا الله-ماشاء الله -لا حول ولا قوة الا بالله
بسم الله علي والنتيجه
المهم
طبعا انا واثقه ان اخوهم الصغير ريدنق 1 بيلحقهم -لانه مو معقوله يطلع واخوانه الكبار يجلسون
ابدا مايصير - فأحتراما لهم راح يظل معهم في اعتقادي
اللي ابغى اقوله اني مقدمه برزنتيشن يخزي العين حوله
والاختبار توقعت اني بأنجح لو على الحفه _بس سقوط ما جا في بالي ابدا
بصراحه تفاجأت في الاختبار ان الاجوبه اكثرها راح نكتبها كتابه -واقل اجابه سطر
كنت احسب ان الاختبار راح يكون استماع لشريط وتكون الاجوبه اختياري وفيه 2 مقالي وفيه صح وخطا
بس اللي طلع انها تبغاني اكتب في كل اجابه اقل شي سطرين
سلاااااامات!!!
غير كذا الشرح الحلو في السنترا وكل اللي حضر معها فاهم قصدي
ثالثا السيلبل وما ادراك بالسيلبل_ اللي بتقول انها فهمت السيلبل من شرحها بس في السنترا من غير اي مساعده من جهه ثانيه تقول
والاسترس حدث ولا حرج
ونرجع للنقطه 2 بخصوص الاستماع
لما احنا لسى مستوى ثالث يعني تونا قولنا يافتاح ياعليم على تخصص الانقليش وتبغيني اكتب ثلاث ارباع اللي قاله الدكتور فيليب منرو _ يعني ما فهمت وش تبغين توصلين له!
فضفضه زي الاولى
ولي رجعه اذا شرفت نتيجة الريدنق مع طيبة الاخلاق والروح المنبسطه والبشاشه الفسيحه والمحيا السمح الاء عبدالعزيز
السؤال اللي يتبطح قدامي من القهر ألحين:
وش السالفه اذا انا ساقطه في مواد التخصص؟
متى اختبارها؟؟
والا وش وضعها؟؟
انا بحملها؟؟
والله ماني عارفه شي.....اللي عارف يفيدني بليز
ونشكر لكم حسن استماعكم
وعلى فكره البنات اللي ساقطين بهالمواد مثلي ياريت نتعرف عشان ورانا مشاريع ومذاكره وافادات واستفادات
والله يعين وييسر
والحمدلله على كل حال