وعليكم السلام ورحمة الله وبركاته
اهنن وسهنن فيكي ^^
اول شي ع النسبة المطلوبة .. مافي نسبة محدده هيا تعتمد ع شطارة بنات دفعتك وعدد الراغبين يدخلو دا القسم ..
ع دفعتنا اخر معدل قفلت عليه الكلية العلوم الطبيه التطبيقه بكل تخصاصتها كان اعتقد 4.44
بعدين يشوفو كم وحدة مقدمة ع قسم الاشعه .. مثلا 20 وحدة تبغا الاشعه وهما يبغو بس 15 مثلا
حياخدو افضل 15 من بين ال20 بنت .. فهمتي عليا؟؟ يعني مافي نسبه معينه تدخلي فيها تعتمد ع البنات ومعدلاتهم هما يحددو النسبة اللي حتقفل عليها
الدراسه .. انا صراحة مستمتعه في دراستي ومرة حابتها وطبعا عندنا عملي ونظري ..
من اول تيرم حيكون في عملي بس مو كتير .. ع سنة تالته يزييييد العملي
ومافهمت قصدت كم ساعه الدوام العملي ؟؟ ياريت توضحي اكتر
ازا تقصدي ع الدوام متى نروح الجامعه ومتى نخلص .. فلا تخافي معروفين بالفضاوة فالجدول
اما ع الاسعافات الاولية .. الصراحه ما اعرف ازا قداام في مادةراح ندرسها ما اعرف
اللي اعرفو الاسعافات الاولية الكل ياخدها دورة لكل الاقسام ومطلوبة عشان تدخلي سنة الامتياز
ماينفع تدخلي بدونها .. وشي مرة بسيط زي ماقلت ((دورة))
هل ممكن ابدع في دا المجال؟؟
والله اكيد لكل مجال في ناس تبدع فيه ..
انا حركيه درجه اولى
هل العمل اغلبو حيكون مكتبي ؟؟
ما افتي لك في شي ماجربتو ..
هل اغلب الوقت حيكون في احتكاك بالمرضى ؟؟
برضو ما افتي لك في شي ماجربتو..
القسم يحتاج (فهم او حفظ)؟ مين اكتر؟
القسم فيه مليان فهم بما انها معتمده ع الفيزياء
بس مايخلو شي من الحفظ برضو
كم ممكن يكون الراتب؟؟
ما ادري الصراحه ^^
وشوفي دا الموضوع بيعجبك وبيفيدك
زي ما افادني ..
http://jfelemban.kau.edu.sa/content....g=ar&cid=48579
يارب اكون افدتك باللي عندي
^^