رد: أي بنت تدرس تصميم داخلي تدخل هون ضروري
التصميم الداخلي في البداية يحتاج لمهارة في الرسم لأنو أول استوديو حتاخدي مباديء في الرسم والظل والنور والتظليل
بس بعدين يعتمد أغلب شي لو مو كللو على الدقة لأنو أقرب للهندسة من الفن
وبصراحة زي ما قالت رونة مهو سهل
يعني ضغط طول الترم ولازم تخلصي شغلك اول بأول وما تسيبي شي يتراكم أبدا ومرررررررررررره ما ينفع تغيبي في أي يوم لأنو لو غبتي يوم حتحسي انك ضيعتي
ولو انتي حابة الرسم وتبغي شي تنبسطي فيه ادخلي فنون انا كنت فنون قبل ما احول تصميم داخلي.. ولو اني ما كنت ابغى اتوظف أو اشتغل بعدين كان كملت في فنون لأنو من جد تخصص ممتع بس أنا حولت لأنو الصراحة مالو شغل غير لو اشتغلتي معيدة في الجامعة
فإنتي لو حابة وما بتفكري تشتغلي ادخلي فنون نصيحة مني
معليش طولت عليكي بس حبيت افيدك بكل ما عندي
لو احتجتي أي مساعدة لا تترددي وتسألي
|