[غروكـ و غيروكـ]

الله يبارك فيك وعقبالكم ان شاء الله

انا بتكلم بشكل عام عن ليفيل 3 واللي عندها اي استفسار لا تستحي

المستوى الثالث مو صعب بس ادسم من ليفيل 2
يعني اذا كان مستواكي في ليفيل 2 حلو بأذن الله ما بيكون عندك مشاكل وبتعدي
بس اذا كان ليفيل 2 صعب عليكي ضروري تشدي حيلك من البدايه عشان ما تتبعي

المستوى فيه كلمات جديده تحتاج حفظ وفهم لمعناها وبعضها تحتاج تعرفي نوعها " صفه - اسم - فعل "
طريقه الاسئله اكيد مرت عليكم بس انا الشي اللي كان يلخبطني انو تجي جمله وفيها فراغ
والخيارات نفس الكلمه بس وحده اسم والثانيه فعل و الثالثه صفه وهكذا يعني كذا صيغه لنفس الكلمه
في المذاكره ركزوا ع الكلمات اللي تجي بصفحه مكتوب عليها vocabulary - المفردات

اما القاعدات تكون بشكل موسع اكثر من ليفيل 2 يعني ممكن تكون ماره عليكي بس هنا ناخذها بتفصيل زياده
وفي ازمنه جديده حتاخذوها ما اقول انها صعبه بس تلخبط متى تستخدميها وايش تستخدمي معاها

نصيحه مني الازمنه الجديده موجوده بالجزئيه الاخيره من الكتاب فبالميد تيرم ما بتكون داخله حاولوا تجيبوا درجات عاليه لأنها حتدخل بالنهائي

واهم شي التدريب ،، غالبا ً استاذات ليفيل 3 ما بيحلوا معاكم الكتاب الصغير
فأنتي بعد ما تذاكري اتدربي عليه واتأكدي من حلك من الملف الموجود بالمرفقات
والسي دي مفيد كمان ،، انا كنت اذاكر وبعدها اتمرن على السي دي والكتاب الصغير

والباقي نفس ليفيل 2 من ناحيه القطعه والليسننق طبعا ً من خارج الكتاب بس حتكون سهله بأذن الله

الرايتنق يكون من خارج الكتاب بس نفس الفكره وحيخيروكي بين موضوعين
وغالبا ً حيجيبوا بيانات او معلومات وانتي تستخدميها في الجمل ،، لازم تستخدميها كلها مو بعضها
وضروري تبدأي بجمله من عندك " مقدمه " جمله وحده بسيطه وبعدها تبدأي بالكتابه
واذا كانوا محددين لك الجمل بعدد معين لا تزيدي عنه لأنو مو بمصلحتك الزياده وبنفس الوقت لا تنقصي

لا تسحبوا ع المحاضرات حتى لو ما كانت الاستاذه تفهم لأنها ممكن تقول اشياء مهمه وتفيدكم

هذا اللي ببالي حاليا ً واذا افتكرت شي جيت هنا