[فندام]

المشاركة الأصلية كتبت بواسطة الداخليه طيب لو أدرس دبلوم محاسبه وبعدها اكمل بكالريوس < فيها مشكله الطريقه هذي او البكالوروس العادي افضل ،، اتمنى تجاوبوني

والله الأفضل انك تدرس بكالريوس على طول بدل ماتدرس دبلوم وبعدها تكمل بكالريوس لأنو الي حاصل انو قسم المحاسبة في السابق يعني من 5 او 6 سنوات كان بيعادل مواد الدبوم مباشرة للحاصلين على الدبلوم وبعده يكملو دراسة البكالريوس بس بعد كدا حصل تطور كبير وهو انو قسم المحاسبة اتخد قرار بعدم معادلة الدبلوم وصار الي عنده دبلوم بالمحاسبة وبدو يكمل بعدها بكالريوس لازم يدرس البكالريوس من البداية زي الطالب الي ماعنده دبلوم بالضبط وطبعا سبب هدا القرار يعدم معادلة الدبلوم هو انو بعض اساتذة القسم الي بيدرسو مبادئ محاسبة 101 و 102 لاحظو انو كثير من الطلاب الحاصلين على دبلوم بالمحاسبة بيحصلو على درجات متدنيه بهدي المواد واحنا هما بنتكلم عن محاسبة 101 و 102 والأنكى من كدا انو درجات كثير من هؤلاء الطلاب عالية بمودا المحاسبه بمرحلة الدبلوم وهنا تقدم امين قسم المحاسبه في دلك الوقت الدكتور راضي خلف باقتراح لرئاسة القسم يطالب فيه بايقاف معادلة الدبلوم للأسباب المدكورة انفا وتمت الموافقة على هدا الاقتراح واعتمد طبعا هدا الكلام قبل 5 او 6 سنوات تقريبا لما كنت انا ببداية مرحلة البكالريوس لما كنا بندرس المواد العامة قبل التخصص اما الان فصراحة ما ادري هل هدا القرار مازال ساري المفعول او انو تم تغييره الأفضل انك تستفسر من قسم المحاسبة بالجامعة وهدا رقم مكتب امين القسم الدكتور عبداللطيف فرحات 6952159 كلمو وأسالو عن موضوع معادلة الدبلوم عشان تقطع الشك باليقين وبالتوفيق