رد: بليييييييييييز الكل يدخل للاهميه
اقلك شي يا اختي
في حاجة اسمها اصنع مستقبلك بنفسك انا اعطيكي مثال دحين انتي قسم تاريخ حلو وان شاءلله تجيبي معدل عالي بإمكانك تصيري معيدة وتاخدي ماستر وممكن في المستقبل تكوني رئيسة قسم بس طبعا مع شدة الحيل والشهادات المتنوعة اوكي
ووحدة تانية دخلت طب وفشلت في دراستها ماتزاكر جابت معدلات سيئة هل تتوقعي لها مستقبل او تقدر تمسك انسان لا طبعا حتعمل اخطاء طبية وبكدا مستقبلها اتحطم وفشل فهمتي المقارنة يعني ممكن تدخلي قسم قوي بس ماتصنعي مستقبل رائع وممكن تدخلي قسم بسيط بس تصنعي مستقبل مالو مثيل
وعلى فكرة احنا مانستغني عن المؤرخين انا اعرف وحدة كانت ادب انجليزي شردت على تاريخ
عرفتي كيف يا اختي غمضي عينك وارجعي افتحيها تاني وابدأي مستقبل زاهر مليء بالنور ومشع بالفرح
اصنعي مستقبلك بنفسك ورب العالمين معاكي ان شاءلله وتوكلي على الرحمن واستخيري رب العالمين وماتعرفي فين نصيبك
والله ولي التوفيق
|