[نزاراحمد]

السلام عليكم

انا منتسب في جامعة الملك عبدالعزيز و اعتذرت السمستر الماضي و سجلت في جامعة الملك فيصل بالاحساء و برنامج الانتساب المطور .

دراستهم شوي معقده ماهي مثل جامعة عبدالعزيز وفيها شوية مميزات وفيها عيوب


* المميزات

اختبار المناطق .

صفحة البلاك بورد مثل الاوديس عندنا بس انه افضل تلقى فيه لكل ماده 14 محاضره بصيغة باوربوينت ومثلها فيديو و صوت فقط وهذا المقرر معك لا ملخصات و لا كتب ولا غير .

الساعه الدراسيه بــ 165 ريال وعليك الحساب انت كم ساعه تبي .

منح الطالب 30 درجه بشكل غير مباشر
10 درجات للواجبات ( لكل طالب واجبين في السميستر لكل واجب 5 درجات )
10 درجات للمشاركه في المنتديات الخاصه بالجامعه بحد ادنى 14 مشاركه ( لو تكتب كيف الحال احتسبت لك مشاركه )
10 درجات لحضور المحاضرات المباشره ( لو تشاهد المحاضره لمدة 5 ثواني احتسبت لك الدرجه )



* العيوب
اسئلتها شوي صعبه .

تأخير في توزيع الاسئله لما تدخل لجنة الاختبار لأكثر من ساعه عن الوقت المحدد .

تأخير في اظهار نتيجة الاختبارات لأكثر من اسبوعين .

لو تنقص الطالب درجتين مستحيل يساعدونه .

كل يوم لك قاعه تختبر فيها ( لازم تحضر بدري و تدور على اسمك وين و في اي قاعه )

وحاجات كثيره بصراحه جامعة الملك عبدالعزيز افضل بكثير بس عيبها انه لازم نجي جده لو يخلون اختبار مناطق كان ارتحنا . و يساعدون في الدرجات صدقوني يا شباب انه في مواد ما فتحت لا مذكره ولا كتاب والحمد لله عديت ......


سؤالي بعد هذه الشرح المطول متى راح يبدء السداد لاني راجع بقوه ابي انزل لي المواد وابتدي اذاكر علشان ارفع المعدل


ارجو الرد في اسرع وقت


الله يوفق الجميع