[تونيا]

أنا كلي لكم


بالنسبه للبحث طبعاً تاخذه الدكتوره أو الاستاذه

وانتي لازم تجلديه في أي مكتبه وتجليد فاااااااااخر كمان (هذا بحث التخرج)


انا بحثي سويت منه خمس نسخ

لدكتورة الماده

لدكتوره أخرى

لأستاذه أخره وهي زوجة أحد أعضاء مجلس الشورى

لطالبه معاكم هذا الترم ( صديقه وحبيبه )

ومن عيوني أعطيكم بحثي بس موعلني

أنا صحباتي قالوا لاااااااااااازم توديه لشركة تترا باك لأنها شهاده تفتخر بيها

وبالنسبه للنظام الي صاير الآن في الجامعه إنه عند شعبة البحث والتدريب ما يكون مكتوب اسم الاستاذه ولا تقدري حتى تضيفيها من عندك, وحتى لما تروحي الجامعه وتسأليهم يقولوا ماندري أسألي الدكتوره إقبال

والدكتوره إقبال لما تسأليها تقول ممنووووووووووووووووووع تعرفي اسمها إلا لما تسجلي في الشعبه وبعدها اقولك إسمها وتروحي تتفقي معاها على مكان التدريب وموضوع البحث

وأنا مره زعلت أيامها وبكيت كمان , لكن فوضت أمري لله

ومريت بأصعب الظروف وكانت دكتورة الماده من اروع الي وقفوا معايا

قالت أنا ما أعرف شي عن هذي الشركه بس أسمع عنها ومنك راح اعرف كل شي والموضوع رائع واتوقع إنك تبهريني


عشان كده أكتبي كل شي (وانا كتبت أحلى شي)

صدقوني ما امدح نفسي

لكن في هذا البحث عصارة فكري وجل مجهودي

كتبت بعضه وانا مرافقه مع أبويه في المستشفى عشان تكون معايا بركاته

وفعلاً والله كل من شاف البحث ذهل بما فيه


أنا حتى دخلت على موقع الشركه في السويد وأخذت معلومات كثيره واولها نسخه من شهادة الأيزو الي حصلت عليها

وشهادات أخرى


وعلى فكره

الشخص الخامس الي شاف بحثي

كاتب مشهور ومؤلف كتاب (بعدين اقولكم اسمه)

ووالله الي ذكرتهم شخصيات كبيره


بصراحه لازم أقرب منكم أكثر وأعطيكم معلومات أكثر


ولو تبغوا تلاقوني في الجامعه ما عندي مانع , لي صحبات كثير ما اتخرجوا

وممكن أروح أيام الدوره (خصوصاً انه لي صديقه خارج جده ومالها غيري يساعدها هذا الترم , وهي الي أعطيتها البحث )


شوفوا الطريقه الي تناسبكم

عشان أتعامل معاكم برحابه أكثر


ووالله اني ما بالغت في كل كلمه كتبتها


(وفخوره بالحفاوه الي وجدتها أثناء هذا البحث)



وبالنسبه للدكتورات أو الاستاذات , موشرط أستاذات التخصص الي انتي فيه يكونوا نفسهم استاذات البحث والتدريب

ممكن من تخصصات ثانيه


أنا استاذتي كان تخصصها نظم معلومات واستاذات صحباتي الي معايا , وحده دكتورتها الدكتوره شذى عزي (تسويق)الترم ماقبل الماضي
ووحده سناء باناجه (اداره عامه)الترم ماقبل الماضي

ووحده أسماء باهزمز (بحوث عمليات)الترم ماقبل الماضي

ووحده د.شيماء (كمان نظم معلومات )هذا الترم

ووحده د. ناديه عبد الغفار

ووحده د. هند دمنهوري

وإحنا كلنا ادارة اعمال دوليه
اما عن أحسنهم بصراحه

بالاضافه لأستاذتي فتحيه عبد الفتاح (بس ماهي موجوه هذا الترم عشان مناقشة الدكتوراه)

د. شذى عزي
د. أسماء باهرمز
أستاذه أمل تركستاني

د. شيماء
ولكم سلامي..