سلام عليكم
اول شي مرره تسلموووو انكم بتسااعدو استفدت منكم كتيير
بس بسأل انا جبت في الكا 1 = 100 و الكا2 = 96
وانا انتسااب بس معدلي 4.48 كدا كويس مو ؟
تمام كذا ماشالله تنقبلي بسهوله إن شاء الله
يعني لا مقابله ولا شي مو ؟؟ولا حيقعدولي على نسبتين :(
المهم انا مررره حااااااااااااابه القسم من صماصيمي لوووول
بس ابى اعرف هل هوا فعلا ادب انقليزي ولا لغه زي ما الخلق يحبطوني
لانو اخويا درس ادب انجليزي بس برا ومرره شي حلوو اللي درسو ومني مستوعبه نظام الجامعه هنا
هوا ادب انجليزي هوا لغه ولا ايه لانو القسم اسمو لغه انجليزيه حتى لما اقول ادب يقولو لا مو ادب لغه <<هع يقهرو
هو خليط بين مواد الادب واللغويات
اطلعي على الخطه الي في المرفقات وراح تشوفي المواد الي بتدرسيها إن شاء الله
طاايب ازا بأزن الله ياارب كدا اتخصصت علما بانو دا الترم حاتخصص ان شالله
هل اخد السته المواد كلها فترم واحد احسها كتير ودسمه عليا
براحتك شوفي الي يناسب قدراتك الاغلب بيضطر يزيد ترم على الاربع سنوات عشان يخففوا على انفسهم وماياخذوا 6 كل ترم بس عاده في اول ترمين في التخصص عادي تقدري تآخذي 6 مواد بدون ماتحسي بضغط كبير
ومن اسامي المواد لسننق ريدينق رايتنق
هما حيعلمونا الليسننق في ماده لحال ولا يعلمونا نسير ابلات للـ ليسننق
يعني هل المواد اللي شفتها في المستوى التالت والرابع دي حتكون سبب انو تكون لغتي قويه ولا اسلوبها غير ؟؟يارب تكوني فهمتي لانو تعبت ومو قادره اوضح اكتر خخخخ
ياعسل في التخصص كل المواد بتتعاملي فيها على انك مكتسبه اللغه مايدرسونك اللغه من جديد لكن مواد المستوى الثالث والرابع بتآخذي فيها معلومات شويه جديده عليكي وراح تساعدك اكيد انه تتقوى لغتك اكثر لكن بشرط انتي تشتغلي على نفسك وتتطلعي وتقري في النت كثير عشان تثقفي نفسك في اللغه لانه امتحانات مواد المستوى الثالث والرابع نسبه كبيره من الاسئله بتخرج عن المنهج فمذاكرة المنهج ماتعتبر كافيه عشان تنجحي
اممممم اش كماااااان
يب الفرنسي انا ماااااااااااااااااااعندي مشااكل لو كل ترم فرنسي خخخخ
بس بالنسبه للبدايه بالنسبه ليا انا ميح فيه هل الماده بدائيات وحروف ولا يخشو عالتقيل ؟
فرنسي 1 يعتبر مقدمه واساسيات اللغه وفرنسي 2 تخشي شويه عالثقيل بس مو مره يعني بشكل معقول ومو صعب المادتين بشكل عام تحتاج حفظ مع شوية فهم وتجيبي فيها الامتياز بالراحه
مو انو ما ابغااه لا عادي.. بس انا ماعندي اي خلفيه عن الفرنسي
وهل القسم بشكل عاام صعب على الانتسااب
بحكم اني انتساب اقولك صعوبة التخصص دبل على الانتساب لانه بتعتمدي على نفسك كثير ومافي ممارسه للغه لكن لو عندك عزيمه واصرار وعشق للغه راح تقدري تمشي في التخصص وتشتغلي على نفسك وتذاكري من بدري اهم شي ماينفع قبل الامتحانت بأسبوع ولا اسبوعين تفتحي الكتب لااااا لازم قبل الامتحانات بشهرين على الاقل تكوني بديتي مذاكره وامورك كلها بعد ذا تتسهل إن شاء الله
انا اللغه عندي يجي منها
تجي فتره تكوون مرره كويسه وفتره اتنح حسب ازا كنت استعملها او لا لووول
فهل المواد المستوين التالته والرابعه رح تقوي اساسيات اللغه عندي ولا لازم يكون عندي لغه اصلن ..وهيا شي تاني ماعرفو انا لووول
نعم لازم تكون لغتك كويسه وكل ماكنت لغتك قوية كل ماشفتي التخصص اسهل إن شاء الله
شاكره ليييكم جهووودكم لبى قلووبكم لووول