[مستقبل إعلامي]

اتمنى اكون افدتك بكلامي .. وسبحان الله كأنك عارف الدكاتره الي درست عندهم انا

الدكتور رائد عبد العزيز درست عنده في نفس الترم الماضي الي اخذت مادتين علاء طلعت ^^


درست عند رائد عبدالعزيز مادة الرأي العام والحمد لله عديتها ... ولاكن ابغى اكون صريح معاك


الدكتور لازم تكون مركز في محاضرته بشكل كبير لأنه يسأل الطلاب فجأة !!

يعني فجأة في وسط الشرح يحط عينه على اي طالب ويسأله .. ( احنا كنا نقول ايه ؟ )


يعني لازم تكون مركز ومتوقع انه يسألك وحاول انك ماتسرح في المحاضرة

الشيء الثاني في طلاب كثير مايمدحوه الحقيقة اختباراته اختيارات وصح وخطأ ولاكن فيها نوع من الغموض

يعني الي ماذاكر على الاقل بنسبة 80 % اكيد يخبص < جربها ^^


يحضر كل محاضرة أول بأول يعني حاول تركز في الحضور والغياب وخليك ذكي !


ماعنده تكاليف ! ولاكن يطلب منكم بحث تقدموه خلال الترم او نهاية الترم عن اي موضوع من مواضيع الرأي العام

مذكرة الرأي العام دسمة وفيها فصول كثير ولاكن المقرر 8 فصول والدكتور رائد اضاف عليها 15 ورقة خارجية !!

المادة تقريباً تعاريف وتعداد .. والتعداد فيها كثير ! ولاكن سهل جدا جدا جدا

--------------------------------------------------

بعض النقاط الاخرى

1- الدكتور يهزئ الطلاب يعني يشوف واحد يمضغ لبانه ولا يقرأ جريدة ولا يلعب بالجوال يسمعه كم كلمة قوية كذا !

( على فكرة مو تهزيئ بتعصيب لا اقصد يهزئ الطلاب وخليها كأنها مزحه ويقعد يضحك ) يعني مثلاً اذكر واحد من الطلاب قاعد يمضغ لبانة

الدكتور رائد جلس يطالع فيه ويضحك وقال ياجماعه كليات البنات جمبنا هنا .. فهمت قصدي ؟. ^^

2- عنده طريقة غبية في الاسئلة يعني مثلاً يقلك : -

ينقسم الرأي العام من حيث التأثير والتأثر الى : -

أ ) نوعين . ب ) ثلاثة انواع . ج) 4 أنواع . د ) 6 أنواع .

يعني بالعربي لمى تحفظ التعداد احفظ كم عددها < وااضح ؟!! اتمنى تكون فهمتني ^^ ( ترى الموضوع سهل )

3- اذا كانت المادة سبت واثنين وربوع .. بعد مايخلص جزء من المنهج يبدأ يهمل في محاضرة الربوع ويقلكم لاتجوا .


4- حاول تنقل شعبة علاء طلعت ... ماقدرت توكل على الله وخليها عند رائد واتمنى لك التوفيق استحمل الدكتور وخليك في حالك .^^
---------------------------

على فكرة ترى مهما كان الدكتور هي على مزاج الطالب المسألة يمكن انت مهتم في دراستك وشاطر
فـ بالتالي مايهمك الدكتور مهما كانت طريقته

انا حذروني من راكان حبيب ونجحت في مادته .. وحذروني من رائد عبدالعزيز ونجحت في مادته الحمد لله

يعني لاتكبر الموضوع .. ( الدنيا تمشي بالطول بالعرض حتمشي ) ان شاء الله


والله يوفقك