رد: استفسار عن دكتورة في قسم الإسكان
أسلوب الشرح .
ممل جدا خصوصا لما تكون المحاضرة ساعه ونص .. وتكرآر الكلام مرآ كتير الله يصلحها رغم انو احيانا الموضوع ما يستاهل كل دا الشرح ..
طريقة الأسئلة .
مقاليه .. بس سهلهـ واضحهـ مرآآآ بس ركزو وانتو بتحلو الصح والخطا .. والمزآكرهـ من الاوراق الي تعطيكم هيا ..
التكاليف .
آخذت معاها إسكان وكانت التكاليف المطلوبه بحث مع البور بوينت تبعو بس مواضيع البحث من المنهج + زيارة ميدانيه بتقريرها وكان تقرير الزيارة جماعي .. والبحث سهل مجرد تجميع معلومات من اربع مراجع ..
اخذت معاها كمان تنسيق زهور .. طلبت برضو بحث من مواضيع المنهج + بحث عن 10 نباتات او زهور وكان مرآآ بسيط مجرد تحطي نوع الزهرة وكيفية تكاثرهآ ومن دا الكلام يعني مرآآ شي بسيط البحث التاني ..
تعاملها .
الدكتورهـ آخلآآآآق وطيبهـ وحبوبهـ وتعاملها طيب مع البنات .. الشي الوحيد الي يقهر فيها انها بتكرار الكلام وتطول وهو ما يستاهل .. بس ما تظلم وحلو توزيعها بالدرجات .. حيكون عندها اختبار نصفي واحد من 20 و40 النهائي والباقي يتوزع على الحضور والغيب 10 البحث 15 عرض البوربوينت 5 الزيارة وتقريرها 10 ..
بس بصرآآآحه لو انا مكان وحدهـ فيكم ماراح اخذ اكتر من مادتين تدرسها نفس الاستاذهـ .. لانو بجد شي ممل ..
|