[منتظرة الفرج]

عذوبة انثى
انا قلت لك من اول عن الاستاذة مها البرادعي اخذت معاها نظرية تنظيم هي طيبه بس صوتها واطي *_*
تشرح كويس خذي معاها بس ركزي بالمذاكرة
مادة اخلاقيات عمل مااخذتها لسا بس انصحك تروحي لللاستاذة هيفاء عبد الفتاح
مره طيبه حلو شرحها تستفيدي من كلامها مو بش درس وخلاص والماده سهله حتى تشوفي بنات
من كليات ثانيه ياخذوها مادة حره ومااعرف الاستاذة اللي ذكرتيها
وكمان حاولي من بداية الترم تاخذي عمل تطوعي عشان ما تنضغطي على نهاية الترم

الاستاذه خديجه كمان تكلمت عنها *_^ بصراحه من وجهة نظري هي افضل استاذة درستني
ممكن عشان المادة فيها وطنيه يعني تتكلم عن سياسة الدوله فممتعه جدا
بس ذاكري من ملخص عذاري جده هو نفس كلامها واشري احتياط اللي تقوله نفس كلامها يجي بالاختبار

كاتمة المشاعر شوفي اذا ما تقدري تأجلي المادة لانها متطلب لكثير مواد فخذيها وركزي عليها
لكن اذا بتأجليها خذي مواد عامه ومواد بدون متطلب سابق ومشي حالك *_*
الصراحه الاستاذه مااعرفها عشان اقول خذي او لا تاخذي معاها بس قلت لك اقرب الحلول
l.h اذا انتي ماشيه على الخطه فموفقه بإذن الله
الحلو في اللي تمشي على الخطه مايصير تعارض بالاختبارات وكمان ما يصير عندها اختبارين بنفس اليوم
بس احيان تتركز مواد دسمة بترم ومواد سهله جدا بترم مافيه توازن
جدولك كويس بس ركزي على استاذات متعاونين ويسهلون المواد
الثقافه والعربي سهله مع اي استاذه كانت لانها بالنهايه موحده

بنات اقروا عن الاستاذات بصفحات قبل