[فتاة العصر]

مساااااء الخير

اختي ريحانة
رابط الشروط بيوضح فقط المستندات المطلوب وجودها ي حال قبولكم النهائي ،، لكن بالنسبة للإختبارات المطلوبة للدراسات العليا بتلاقي رابطها موجود عندك بالصفحة الأولى ،، والقدرات مطلوب للسعوديين والأجانب
وطالما بتختبري لغة سجلي احسن باختبار الاستيب القادم علشان لاتشتتي نفسك وبيكون اسهل بكثيروفتح تسجيله ولمعلومات اكثر راجعي صفحة 14 من نفس موضوعنا ...

اختي نوف سعد
بالنسبة لنتيجة الاختبار حطي مكانها لايوجد وبينتقلمعاكي باذن الله ولما تروح يالرغبات بتلاقيها نزلتلك باذن الله على حسب معدلك وتخصصك ،، لمن بالنسبة للتحويل ماعندي فكرة والله ...

اخت شذاوي
بالنسبة لتاكدي طلبك له حالات ياما النظام معلقواستني عليه لبكرة يكون ظبطت ،،، او انك سويتي شيء غلط في تسجيلك علشان كده اتمسح ،،، او انو نزلك رغبة بالغلط ولما جيتي ضفتيها راحت من عندك بسبب خلل النظام العام
او ان من العمادة شالوها لعدم قبولك فيها فانتظري قليى حتى نتاكد وحتى يصلح حال النظام عامة
وبالنسبة لإختباراك القدرات طالما الاختبار مو مطلوب لقسمك اصلا يصير مافي خوف ولا تتوتري وباذن الله خير

اختنا عبير جدة
بالنسبة للرسوم الاختبارات كلامك صحيح 300 ريال
وبعد ماتختبري قدرات وتظهر نتيجتك راح يصير تحديث للبيانات وتظهر الدرجة تلقائيا في استمارة تقديمك لكن لاتاكدي طلب ولا ترسلي الا بعد اختبارك وظهو رالنتيجة والتاكد من ان كل شيء تمام
وبالنسبة للمنحة انا روحت سالت عليها وتم الغاءها
وتخصصك مطلوب في الكفايات 83 والايلتس 5 والتوفل 450 وانتوا اعلى لأنكم اهل اللغة وهذا مبين في صفحة شرط اللغة بموقع العمادة وبتلاقي الرابط في اول صفحة بموضوعنا وبالنسبةللقدرات طبعا كلما كانت اعلى كان افضل وتنحسب من 40 % ولما تظهر درجتك اضربيها في 0.4 وشوفي كان اخذتي من 40 %
بالنسبة للتوصيات بتلاقيها ياما عند دكارتة قسمك او السكرتيرة الخاصة بيه بتروحي تعبيها من عند دكتورتك ولا تعبيها من واحدة مامعاها دكتوراه وبعدين تروحي تختميها من سكرتيتيرة قسمك
وبالنسبة لشهادتك مافي عليها اي مشكلة لأن من ضمن الشروط مو محددين عمر الوثيقة اهم شيء مايتعدى انتي سنك 35
وكلية التربية اصبحت تابعة للجامعة الان مافي مشكلة

اختي شوق القمر
انتي متاكدة انو طلبك كان كامل واذا ايوه اصبري على النظام شوية لأنو فيه خلل هذه الايام ...

اختي nakashima
راجعي جدول النسب في اول صفحة بموضوعنا وبتلاقي فين موقعك
وبالنسبة للتخصص اللي تبغيه موجود كدبلوم تربية خاصة مو ماستر والبرامج الخاصة لازم يكون معاكي دبلوم تربوي عام او انك تكوني خريجة كلية تربية

تحياتي