[little_star_]

المشاركة الأصلية كتبت بواسطة سهر ittle starاش تقييمك للماده ككل من واقع تجربتك؟؟؟ انا مررررره شايله همها هيا والكريتيسيزم

الماده مو صعبه بالمره بس مو سهله علي الاخر تعرفي المواد الادبيه من الصعب يطلق عليها صعبه اعتقد مشكلة هالمواد الادبيه بشكل عام اسلوب الكتابه فقط اللي نحنا نعمله هوا الي ممكن يودينا في داهيه او يرفعنا جدا

كان شرح مس شاد واقعي وحلو وراح يكون احلي لو كان عندك خلفيه علي القصصه قبل ما يبد الكورس لانك راح تستوعبي الكورس بسهوله

بالامانه لوحضرتي محاضرتها كامله وفهمتي ايش تبغا وكيف طريقه الكتابه اللي تبغاها راح تنجحي بالدرجه اللي انتي تستحقيها قد ما بذلتي قد ما هيزيد درجتك فيها

ابدي بقراءة القصص من الان ابدي شوي شوي

يعني روحي اقرئ البلوت نزلي فيلم الاقناع مره هيسهل عليك شي كثير وممكن تشتري سايلاس مارنر من مكتبه العبيكان مترجمه عربي

وعندي قصه لتوم سوير بالعربي للاسف حاولت ازلها مو راضيه تنزل بالمره مدري ليش بس اتوقع عشان القصه مررررررررررررره طويله

مو يعني لو قراتيها بالعربي يعني كفايه بالعكس لو قراتي اللي في سبارك نوت خصوصا تحليل كل نهايه شابتر راح تفهمي اشياء عجيبه وراح تقدري تجاوبي علي اي سؤال ممكن يجيك في الاختبار

^^نفس السؤال للفيكشن.. يعني تقريبا اسلوبها زي الدراما صح؟؟أنا أخذت الدراما.. أتمنى تفيديني.. والله يوفقك يارب ويكتب لك اللي تتمنيه يارب

المواد الادبيه عموما كلها زي بعض اقرئ البلوت عشان الفكره العامه شوفي افلام كتب مترجمه تحليل من النت عندك سبارك نوت وايه نوت والمقالات بشكل عامه للقصص موجوده ممكن تقرئ عشان تزيد حصيلتك اللغويه وتقدري تستفيدي عند الاجابه عن الاسئله

مس شادن تكره عدم الالتزام في وقت المحاضرات واللي يخرجوا بدون استئذان احسها مره تحقد عليهم او تتضايق وتقول في بنات ما يحضروا المحاضرات بعدين يقولوا ما عرفنا نحل

معها حق في هالنقطه يعني لو ما حضرتي المحاضرات راح تفوتك كل الاشياء اللي ممكن تشرحها او هي تبغاها في الاختبار وفي الاخير الطالبات اللي هيخسروا

الله يوفقكم ويعينكم