[جالكسي22]

يآجمآعه هدوو اللعب شويا
(عسير فراولة) الاختلاف ف الرأي لايفسد للو د قضيه
اتمنى انو كل واحد يحط رأيوو ويتم مناقشتوو بعقلانية عشان نتحد ونوصل الشي اللي نبغاه ..

بالنسبة لي
انآ كنت للاسف ف اول دفعة لتطبيق السنة التحضيريه فتخيلوو الوضع ..شي جديد ع الكل حتى الاستاذات انفسهم مو فاهمين الوضع مزبوووط
بس الحمدلله عدينا ..صح ماجبنا معدلات حلوة ولللاسف ماوصلنا لاحلامنا بس ف الاخير رضينا وقلنا قدر الله وماشاء فعل

السنة التحضيرية ابدآآ مو مقياس صحيح لاختيار التخصص المرغوب..
مثلا طالب او طالبه دخلت ف الثانوي علمي ع اساس انها في( اولى ثانوي ) درست كيميا فيزيا ماث....كل المواد العلمية+ نحو ادب بلاغه....كل المواد الادبية وحست ان ميولها للمواد العلمية ف عشان هيك دخلت المجال العلمي تمام
وصلت للجامعه قررت تدرس طب جوو خيروها تحضيري علمي ولا اداري..؟؟!! <<حتختار علمي دايركت لانو تبغى طب
في التحضيري العلمي حتدرس مواد عامة كيميا فيزيا احياء احصاء رياضيات بس وبلغة غير عن اللغه اللي هي عايشه فيها ومتعودة عليها ماحتواجه صعوبة..؟! اكيد حتلاقي صح ممكن مو ف كل المواد بس ف مواد حتوقف اللغة معاها وحتصير حاجز ومن هنا حتبدأ المعاناه و ضيعان الحلم ..ابدا ماصارت مقياس زي( اولى ثانوي) اللي قدرنا نحدد من بعدها
انآ اشوف لو السنة التحضيريه تكون فقط تأسيس للغة الانجليزيه حتكون انجح من الحال اللي هي فيه دحين
يعني يكون الواحد ضمن انو دخل القسم اللي يبغاه بعد كدا يدرس سنة لغة عشان يتأهل لدراسة مناهج الجامعه <<اتكلم عن العلمي.
وحتى الادبي حيستفيدو للي يبغى انجلش ودحين في تخصصات كمان في الادارة بالانجلش وحتى الاداب يحتاجوه يعني اللغه جدا مهمه
وبكدا يكونوو سوو خير في هذي السنة بدل التعقيد اللي مسوينو..

وبالنسبة للمكافأت ...من متى واحنا نسمع عن الزيادة ولا صار شي :(
الله يصلح الاحوال بس
ادري طوولت هرج بس دا رأيي
وانا معاكـ..black في حملتك :)