[little_star_]

المشاركة الأصلية كتبت بواسطة ام حمدان little star كلامك عن مس شادن ريحني نوعاً ما لانه اسمع عنها اشياء خلتني اخاف بس الحين طمنتيني الله يريحك في حال اخذت معاها اي ماده اتقيد بنصايحك وإن شاء الله اموري بتكون تمام معاها سؤال اخير انا صح مو مفكره اخذ الماده هالترم بس حابه اعرف الماده بتقديرك تقريبا كم يحتاجلها وقت اسبوعين 3 او اكثر ؟ الله يعطيك العافيه ياعسل بجد ماقصرتي :)

مرحبا يا حلوه

شوفي انا جربت مس شادن في مادتين البراكتم 2 والفكشن والاثنين اخدتهم في الترم اللي فات كنت مره متوتره انها وحده جديده واول مره اخد معاها وفي تخرج اااااااااه شلت حمل كثير ومع كلام البنات كمان الله لا يوريك

علي فكره هي تقليديه زي باقي الاستاذات يعني ما تحب اللكاعه والاستهتار من البنات ويبان انها تعصب بسرعه عشان كده بصراحه في بنات يعصبوا الواحد المهم ما علينا لو قعدنا نخاف من هذي او هذي ما راح نعرف نمشي مشي حالك والله انها عاديه جدا انا لو كنت مدرسه و مريت في بعض الاشياء اللي يسواها البنات كنت اكلتهم من العصبيه ههههههههههه <<<<شريره مره علي فكره انا

نجي لوقت الماده قبل الاختبار
يا ام حمدون هذا سؤال يعتمد انتي تحسي لو فهمتي الروايه وقراتي من سبارك نوت وكانت كتابتك كويسه كمان فو الله اسبوعين كويس في حال كنت متابعها في الاشياء اللي تقولها اول باول في المحاضرات علي فكره في شي حلو يساعد علي الاجابه في الاختبار علي اي سؤال انا اتبعت ها الطريقه علي فكره قرات كل انلايزز لكل شابتر اللي في سبارك نوت وقرات شوي من ايه نوت فصار عندي كم كبير من المعلومات وجاوبت الاختبار بسهوله بس الاسف الوقت ما ساعدني ارتب افكاري لاني انا نوعا ما بطيئه في الكتابه

في شي حلو تسويه مس شادن تخلي محاضره شرح وامحاضره الثانيه اسئله وتناقشها معاكم حاولي هذي المحاضره حقت الاسئله لا تفوتيها لو ايش لانها تقريبا شرح للاختبار وطريقته بس مو شرط تجيكم نفس الاسئله نصيا بس علي نفس المنوال والطريقه

الله يوفقكم ويعينكم ياااااااارب اي سؤال عن القصص مستعده اقدملكم اللي عندي لان القصص فرش في دماغي نو بربلم استغلوا وقتكم الحين وشوفوا الافلام وتصفحوا سبارك نوت ومع المحاضرات راح ما تحتاجوا اسبوع للاختبار لو كنتوا من النوع اللي عنده اسلوب او معرفه بطريقه الاسيه

تحياتي